Макрон просіць не абражаць Пуціна, бо «працягвае з ім дыскутаваць»

Прэзідэнт Францыі Эмануэль Макрон не лічыць прадуктыўнай ва ўмовах вайны ва Украіне любую эскалацыю ў адносінах з Расіяй, у тым ліку ў плане рыторыкі.

223329784_90b7b3b3_14fd_40ce_8d1b_a191d387551f.jpg


«Я б не стаў ужываць такога роду выразы, таму што працягваю дыскутаваць з прэзідэнтам Пуціным», — сказаў ён, каментуючы ў эфіры тэлеканала France 3 жорсткія заявы прэзідэнта ЗША Джо Байдэна на адрас Уладзіміра Пуціна.

«Мы, еўрапейцы, не павінны паддавацца любой эскалацыі. Мы, еўрапейцы, не павінны забываць нашу геаграфію і нашу гісторыю. Мы не вядзем вайну супраць расійскага народа», — адзначыў Макрон.

Макрон паведаміў пры гэтым, што ў панядзелак альбо ў аўторак ён плануе гаварыць з Пуціным аб арганізацыі эвакуацыі жыхароў Марыупаля.

Нагадаем, што Джо Байдэн, характарызуючы Пуціна на сустрэчы з уцекачамі з Украіны, назваў расійскага кіраўніка ваенным злачынцам і «мясніком».