Украіна ўводзіць візавы рэжым для грамадзян РФ

Украіна з 1 ліпеня ўвядзе візавы рэжым для грамадзян РФ. Пра гэта 17 чэрвеня ў Telegram заявіў прэзідэнт Украіны Уладзімір Зяленскі.


"У рамках процідзеяння беспрэцэдэнтным пагрозам нацыянальнай бяспекі, суверэнітэту і тэрытарыяльнай цэласнасці нашай дзяржавы, прапанаваў Кабінету Міністраў прапрацаваць пытанне перагляду рэжыму ўезду расейскіх грамадзян на тэрыторыю Украіны", — паведаміў кіраўнік дзяржавы.

Паводле яго слоў, сёння ж Кабмін прыме пастанову "Аб спыненні дзеяння пагаднення паміж урадам Украіны і ўрадам Расійскай Федэрацыі аб бязвізавых паездках грамадзян Украіны і Расійскай Федэрацыі і ўжыванні некаторых міжнародных дагавораў Украіны з Расійскай Федэрацыяй".

Згодна з запланаваным рашэнні Кабінета Міністраў, Украіна ўвядзе візавы рэжым уезду для расейцаў з 1 ліпеня.

Увядзенне візавага рэжыму з РФ абмяркоўваецца ва Украіне з 2014 года, пасля таго як Расія акупавала Крым і пачала ўзброеную агрэсію на Данбасе.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: