УСУ заявілі пра гібель ва Украіне 10 вышэйшых камандзіраў расійскіх войскаў

10 «рэдкіх» чыноў з вышэйшага ваеннага камандавання агрэсара — чатыры генерал-маёры, тры палкоўнікі і тры падпалкоўнікі.

За 20 дзён расійскага ўварвання сілы абароны Украіны ліквідавалі 10 чалавек са складу вышэйшага камандавання расійскіх войскаў, паведамляе Цэнтр процідзеяння дэзінфармацыі і інфармацыйнай бяспекі пры Радзе нацыянальнай бяспекі і абароны Украіны.

Паводле паведамлення, гэта чацвёра генерал-маёраў, трое палкоўнікаў і трое падпалкоўнікаў:

• генерал-маёр Магамед Тушаеў,
• генерал-маёр Віталь Герасімаў,
• генерал-маёр Андрэй Калеснікаў,
• генерал-маёр Андрэй Сухавецкі,
• палкоўнік Андрэй Захараў,
• палкоўнік Сяргей Парахня,
• палкоўнік Ігар Нікалаеў,
• падпалкоўнік Юрый Агаркоў,
• падпалкоўнік Дзмітрый Сафронаў,
• падпалкоўнік Міхаіл Ярмолін.

«Смерць чакае кожнага ваеннага РФ, якім бы "элітным" або "рэдкім" яго не лічылі акупанты» — заявілі ў Цэнтры.