Ва Украіне загінулі 19 тысяч салдат РФ?

Прынамсі, такія лічбы агучыў Генштаб Украіны. Расійскі бок імкнецца не апылюдніваць канкрэтнай інфармацыі на гэты конт. А яшчэ з пачатку вайны УСУ знішчылі 700 расейскіх танкаў, 150 самалётаў, 135 верталётаў і 112 беспілотнікаў.

З 24 лютага па 8 красавіка агульныя страты асабістага складу расійскіх войскаў на тэрыторыі Украіны склалі  каля 19 000 чалавек. Пра гэта паведамілі ў Генеральным штабе УСУ, піша korrespondent.net.

Знішчаны:

• 150 самалётаў
• 135 верталётаў
• 700 танкаў
• 1891 баявая браняваная машына
• 333 артылерыйскіх сістэмы
• 55 сродкаў СПА
• 108 рэактыўных сістэм залпавага агню
• 76 цыстэрнаў з гаруча-змазачнымі матэрыяламі
• 112 БПЛА аператыўна-тактычнага ўзроўню
• 7 караблёў / лёгкіх хуткасных кацераў
• 1361 адзінка аўтамабільнай тэхнікі
• 25 адзінак спецыяльнай тэхнікі
• 4 пускавыя ўстаноўкі АТРК

Украінскі бок падкрэслівае, што дадзеныя ўдакладняюцца, таму што падлік ускладняе высокая інтэнсіўнасць баявых дзеянняў.