Коціку Зэйну вельмі трэба мяккая канапка, смачная ежа і самыя лепшыя гаспадары. Знайшоў дом!
Мінулай восенню ў горадзе Глыбокае на адной з сметніц з'явіўся кот. Відавочна, былы хатні. Ён хадзіў за кожным чалавекам, зазіраў у вочы, прасіў ежу. Мясцовыя жыхары прыстасавалі яму пад часовае жытло кардонную скрыню і часам кармілі.
Надыходзячую зіму хатні кот на вуліцы не вытрымаў бы, тым больш такі даверлівы, таму і паехаў на ператрымку да мясцовай валанцёркі. А там іншая праблема: шмат катоў, якія новага выхаванца не прынялі, пачаліся сваркі і бойкі. Адна з мінскіх валанцёрак убачыла гэтую гісторыю ў інтэрнэце, і вось глыбоцкі небарака прыбыў у сталіцу на наступную ператрымку. Спадзяемся — апошнюю.
Знаёмцеся — Зэйн. Малады, ладны кот, які больш за ўсё любіць спакой. Ён агледжаны ветэрынарам, прышчэплены і спакладаны, апрацаваны ад паразітаў.
У ежы Зэйн зусім непераборлівы, латок і кіпцюраточку ведае на выдатна, гуляцца не любіць. З іншымі катамі паводзіць сабе спакойна. Часам любіць памуркатаць на ручках, але нядоўга.
Мяккая канапка і смачная ежа — ідэальны сусвет для Зэйна.
Тэлефануйце і прыходзьце!
+375 (44) 714-60-12 Алёна.