Міламу і смешнаму дзіцяці патрэбна добрая мама. Абноўлена: дом знойдзены!

Гэта адбылося тры тыдні таму. У вёсцы на дарозе перад домам валяўся ўшчэнт п'яны мужык. Гаспадыня дома паспрабавала ўцягнуць яго з праезнай часткі, каб не наехала машына. Пачала тармасіць, але ўсё дарэмна — мужык мог толькі мычаць. На дапамогу прыйшоў сусед, сталі разам цягнуць небараку — і вось у гэты момант у таго з кішэні выпала кацяня. Зусім малое, пару тыдняў, не больш.

Жанчына пакінула малечу ў сябе. Амаль тыдзень карміла з шпрыца, выходжвала. Хлопчык вельмі хутка ачуняў і ўжо добра сябе адчувае.

У кацяняці вельмі незвычайная афарбоўка — смешныя плямы на лапах, белыя ўнутры вушкі і пэндзлік на кончыку хваста.

Коцік гуллівы і ласкавы, але ўсе тыгыдыкі толькі днём — ноччу ён спіць. Ходзіць у латок.

Есць усё, нават у старэйшых спрабуе адабраць.На жаль, выратавальніца не можа пакінуць яго ў сябе назаўсёды, таму вымушана шукаць добрыя ручкі для гэтай цудоўнай знаходкі.
+375 (29) 625-40-18 Настасся.