745-ты дзень поўнамаштабнай вайны Расіі супраць Украіны: галоўнае за суткі

Апошнія навіны з украінскага фронту.

***

Расійскія акупанты цягам апошніх тыдняў палепшылі свае тактычныя магчымасці, мяркуюць аналітыкі «Інстытута вывучэння вайны». У прыватнасці, праціўнік выкарыстаў тактычную нечаканасць у раёне Аўдзееўкі Данецкай вобласці.

Гэта сведчыць пра тое, што асобныя элементы арміі РФ маглі засвоіць тактычную адаптацыю, атрыманую падчас правядзення наступу ва Украіне.

Аднак у ISW перакананыя, што ваеннае камандаванне РФ не засвоіла і не распаўсюдзіла разнастайныя тактычныя адаптацыі сярод усіх груповак свайго войска.

***

Пасля атакі расійцаў на Днепрапятроўшчыне пашкоджаны прыватны дом, гаспадарчая пабудова, лінія электраперадачы і газаправод.

Расійскія вайскоўцы ў суботу раніцай, 9 сакавіка, нанеслі ўдар па Краснагрыгор'еўскай абшчыне на Днепрапятроўшчыне. У выніку гэтай атакі загінуў 16-гадовы хлопец. Пра гэта паведаміў кіраўнік Днепрапятроўскай абласной ваеннай адміністрацыі (ОВА) Сяргей Лысак.

«Загінуў 16-гадовы хлопец, яшчэ адзін, 22 гадоў, у бальніцы. (Стан) цяжкі. Гэта наступствы ранішняга ўдару расійцаў па Краснагрыгор'еўскай абшчыне, што на Нікапальшчыне. Пашкоджаны прыватны дом, гаспадарчая пабудова, лінія электраперадач і газаправод», — гаворыцца ў яго паведамленні.

Паводле звестак уладаў, акупанты атакавалі з артылерыі. 

Як вядома, 7 сакавіка расійскія захопнікі нанеслі ракетны ўдар па Сумах. Паведамлялася пра аднаго пацярпелага. 

Акрамя таго, 6 сакавіка расійцы атакавалі Сумы «шахідамі» і паранілі траіх цывільных. Адзін з удараў быў па аб'екце крытычнай інфраструктуры, два іншыя — па грамадзянскай інфраструктуры.

***

Расійскія захопнікі запускалі беспілотнікі з Чаўды ў акупаваным Крыме і з Прыморска-Ахтарска ў Расіі.

Расія ў ноч на 9 сакавіка атакавала тэрыторыю Украіны 15 дронамі-камікадзэ. Сілы супрацьпаветранай абароны знішчылі 12 «шахідаў». Пра гэта паведамляюць Паветраныя сілы УСУ ў сваім Telegram-канале.

Сілы супрацьпаветранай абароны працавалі ў межах Днепрапятроўскай, Данецкай і Палтаўскай абласцей. Украінскія абаронцы знішчылі 12 з 15 дронаў.

Да адбіцця атакі прыцягнулі зенітныя ракетныя падраздзяленні Паветраных сіл, мабільныя агнявыя групы Сіл абароны Украіны.

***

За мінулыя суткі зафіксавана 63 баявыя сутыкненні. Пра гэта гаворыцца ў ранішняй зводцы Генштаба УСУ, апублікаванай у Facebook.

Вораг нанёс 8 ракетных і 107 авіяцыйных удараў, здзейсніў 113 абстрэлаў з рэактыўных сістэм залпавага агню па пазіцыях нашых войскаў і населеных пунктах.

За мінулыя суткі Авіяцыя сіл абароны нанесла ўдары па 10 раёнах засяроджвання асабістага саставу, узбраення і ваеннай тэхнікі праціўніка. Украінскія абаронцы збілі 12 з 15 запушчаных расійскімі акупантамі БПЛА тыпу «Shahed».

Падраздзяленні ракетных войскаў нанеслі ўдар па адным раёне засяроджвання ўзбраення і ваеннай тэхнікі, адным пункце кіравання, па трох станцыях радыёэлектроннай барацьбы, у прыватнасці па двух Р-330ж, адной цяжкай агнямётнай сістэме ТГС-1а «Сонцапёк» і адным складзе боепрыпасаў праціўніка.

***

Расію ноччу атакавалі 47 БПЛА. Выбухі былі ў Растоўскай, Белгарадскай, Курскай і Валгаградскай абласцях.

Паведамляюць, што ў Таганрозе атакаваны авіязавод «ТАНТК ім. Г.М. Бярозка". Пасля атакі расійцы скардзіліся на праблемы з электрычнасцю.

Дарэчы, толькі ў гэтым лютым украінскія БПЛА атакавалі Расію 309 разоў.

Раней аналітыкі адзначалі, што Масква, Саратаў і Ноўгарад знаходзяцца ва ўразлівых зонах.

***

Лондан гатовы дапамагчы Берліну вырашыць праблему з пастаўкамі крылатых ракет «Taurus» ва Украіну.

Як паведаміў у інтэрв'ю выданню «Sueddeutsche Zeitung» кіраўнік МЗС Вялікабрытаніі Дэвід Кэмеран, Германія можа паставіць крылатыя ракеты «Taurus» у Вялікабрытанію, а Лондан — дадатковыя ракеты «Storm Shadow» ва Украіну.