Ну і кампанія. Беларусь і яшчэ шэсць краін выступілі супраць відэазвароту Зяленскага на Генасамблеі ААН

16 верасня Генасамблея ААН прагаласавала за тое, каб у парадку выключэння дазволіць прэзідэнту Украіны Уладзіміру Зяленскаму выступіць на 77-й сесіі не афлайн, а з відэазваротам.

Рашэнне падтрымала 101 дэлегацыя. Супраць выступілі сем дзяржаў — Беларусь, Расія, Куба, Нікарагуа, Паўночная Карэя, Сірыя і Эрытрэя.

Яшчэ 19 краін устрымаліся, у іх ліку, напрыклад, Кітай. А вось Казахстан, саюзнік Пуціна і Лукашэнкі па АДКБ, прагаласаваў за выступ украінскага прэзідэнта.

Вынікі галасавання бачны на скрыне.

У выніковай рэзалюцыі падкрэсліваецца, што гаворка ідзе толькі аб бягучай сесіі і выключэнне не павінна быць прэцэдэнтам.

Украіна прадставіць на Генасамблеі загадзя запісаную заяву прэзідэнта. Зварот Зяленскага запланаваны на другую палову дня ў сераду, 21 верасня.

Нагадаем, у 77-й сесіі Генасамблеі ААН выступіць Святлана Ціханоўская.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: