Каму палацы, каму — турма

Краснадарскі краёвы суд прызначыў на 8 жніўня абскарджанне прысуду чатыром супрацоўнікам Геленджыкскага праваабарончага цэнтра па справе аб вымагальніцтве. 30 красавіка кіраўнік цэнтра цэнтра Уладзімір Іваноў атрымаў 13 гадоў пазбаўлення волі, юрыст Зуфар Ачылаў — 11 гадоў, Гагік Аванэсян і Валерый Семяргей — па 8 гадоў. Усіх чатырох Геленджыкскі гарсуд прысудзіў да адбывання пакарання ў калоніі строгага рэжыму

Меркаваны палац Пуціна пад Геленджыкам
Сведчанні праваабаронцаў аб катаваннях у паліцыі, пасярэдніцтве пры хабарах пракурору, фальсіфікацыі доказаў суд палічыў непераканаўчымі. Затое аператыўным работнікам суддзя безумоўна паверыў на слова. 

Зуфара Ачылава, Уладзіміра Іванова, Валерыя Семяргея і Гагіка Аванесян першапачаткова затрымалі «за махлярства»: нібыта яны атрымалі ад незаконнага забудоўшчыка грошы за сваё неўмяшанне. Праваабаронцы паведамілі, што прызнанні здабываліся пад катаваннямі. Зуфар Ачылаў у сваіх тлумачэннях паказвае, што працэсам кіраваў начальнік крымінальнага вышуку Геленджыка М. Марчанка.
Уладзімір Іваноў і Валерый Семяргей таксама выказалі ў пісьмовым выглядзе падрабязнасці збіцця і катаванняў. Грамадская назіральная камісія па кантролі за забеспячэннем правоў чалавека ў месцах прымусовага ўтрымання правяла праверку, знайшоўшы ў арыштаваных гематомы і сляды ад апёкаў. Кубанскі ж Следчы камітэт ва ўзбуджэнні крымінальнай справы адмовіў «за адсутнасцю складу злачынства».
Сутнасць у наступным. На Чарнаморскім узбярэжжы квітнее незаконнае будаўніцтва. Пры пачатку такой будоўлі чыноўнікі звычайна заплюшчваюць вочы, а калі будоўля сканчаецца, яе ініцыятар ідзе ў кантралюючыя ведамства і вырашае з чыноўнікамі ўсе праблемы. Такое ж будаўніцтва вялося ў Геленджыку на вуліцы Астроўскага, 101. Нехта Альберт Петрасян узводзіў дзевяціпавярховік, парушаючы цэлы шэраг горадабудаўнічых нормаў. Суседзі па прозвішчы Відуліны былі супраць. Члену Геленджыкскага праваабарончага цэнтра Зуфару Ачылаву яны выдалі даверанасць на прадстаўленне іх інтарэсаў.
Зуфар Ачылаў падаў шэраг заяў у паліцыю і пракуратуру, пасля чаго правёў пікеты супраць будаўніцтва. Затым сусед незаконнай шматпавярхоўкі, г-н Відулін, падаў судовы пазоў аб яе зносе. А затым, як сцвярджае следства, праваабаронцы запатрабавалі ў забудоўшчыка Петрасяна два мільёны рублёў у абмен на сваё неўмяшанне. На следстве і судзе Зуфар Ачылаў гэтага і не адмаўляў, тлумачачы: было падрыхтавана законнае міравое пагадненне, па якім забудоўшчык пакрывае суседу Відуліну нанесеныя будоўляй страты, а той адмаўляецца ад судовага пазову.
Цяпер важныя дэталі. 20 лютага 2012 года праваабаронцы сустрэліся з забудоўшчыкам Альбертам Петрасянам ў кавярні «Афаліна». У таго ўжо былі пры сабе пазначаныя два мільёны рублёў. Пазней з'явіўся яго сваяк, Зурабаў. Ладна прыняўшы на грудзі, забудоўшчык Петрасян кінуў пакет з грашыма праваабаронцу Уладзіміру Іванову, але той перадаў пакет па крузе, і ў выніку грошы апынуліся ў сваяка забудоўшчыка, Зурабава. Тут адбылося затрыманне. Перад гэтым Зуфар Ачылаў паспеў перадаць забудоўшчыку дакументы па заключэнні міравога пагаднення.
Адны аператыўнікі сцвярджаюць, што праваабаронцы заглядвалі ў пакет, іншыя — што не зазіралі. Самі падсудныя распавялі, што аператыўнікі паклалі іх на падлогу, а пазней сталі пасыпаць рукі парашком, які свеціцца. На паліцэйскім відэазапісы, паказаным у судзе, адзенне праваабаронцаў свеціцца ззаду. На думку адваката падсудных, гэта даказвае, што парашок ўсё ж такі сыпалі.
Зрэшты, і катаванні, і фальсіфікацыю доказаў суддзя Міхаіл Дрепа палічыў недаказанымі, да паказанняў аб невінаватасці праваабаронцаў «паставіўся крытычна», а вось паказанням аператыўнікаў безумоўна паверыў. У справе ёсць і другі эпізод, аб незаконным будаўніцтве ў Геленджыку на вул. Серафімовіча, 19. Забудоўшчык Мікалай Шыхідзі  узводзіў там сяміпавярховы будынак і сутыкнуўся з Геленджыкскім праваабарончым цэнтрам. Ён сцвярджае, што аддаў праваабаронцам 500 тысяч рублёў, хоць ніякіх доказаў, акрамя слоў, у справе няма. Але і гэтаму забудоўшчыку суддзя Дрепа паверыў.
novayagazeta.ru