Рэйтынг міралюбнасці краін — Расія амаль на апошнім месцы

Названыя самыя міралюбныя краіны свету. І Расія тут ледзь не дацягнула да апошняга месца. Лідарам жа рэйтынгу самых міралюбных краін свету ўжо які год запар застаецца Ісландыя.

Расія аказалася на 160-м месцы ў рэйтынгу міралюбнасці са 163. Пры гэтым Расія за год адкацілася са 154 - га на 160-е.

Украіна ў рэйтынгу самых міралюбных краін свету аказалася на 153-м месцы, а годам раней яна займала 142 месца. Пра гэта сведчаць свежыя дадзеныя Global Peace Index за 2022 год.

У першую чаргу, на нізкія пазіцыі абедзвюх краін паўплывала паўнамаштабнае ўварванне Расіі ва Украіну ў лютым 2022 года.

У цэлым на месца краіны ў рэйтынгу міралюбнасці ўплывае наяўнасць канфліктаў або войнаў на іх тэрыторыі, удзел у іх на тэрыторыі іншых краін, колькасць смерцяў з-за войнаў/канфліктаў, адносіны з суседнімі краінамі, узровень злачыннасці, колькасць бежанцаў, тэрарызм, палітычна нестабільнасць, узровень дыктатуры, колькасць зняволеных, свабода пратэстаў, узровень мілітарызацыі, наяўнасць ядзернай зброі, удзел у міратворчых місіях і іншае.

Чым вышэй месца краіны ў рэйтынгу, тым больш яе рэкамендуюць, сярод іншага, для наведвання турыстам. Пры гэтым лідарам рэйтынгу ўжо каторы год запар стала Ісландыя. “Мірныя беларускія людзі” — на 116-м месцы, якраз паміж Гаіці і Гандурасам.

Топ-10 самых міралюбных краін свету:

1. Ісландыя

2. Новая Зеландыя

3. Ірландыя

4. Данія

5. Аўстрыя

6. Партугалія

7. Славенія

8. Чэхія

9. Сінгапур

10. Японія 

Топ-10 самых неміралюбных краін свету:

1. Афганістан

2. Емен

3. Сірыя

4. Расія

5. Паўднёвы Судан

6. Дэмакратычная Рэспубліка Конга

7. Ірак

8. Самалі

9. Цэнтральная Афрыканская Рэспубліка

10. Судан

 Паводле УНІАН, www.visionofhumanity.org