Украінскія вайскоўцы ў Марыупалі адмовіліся здавацца ў адказ на прапанову Расіі

Украінская армія, якая цяпер абараняецца ў аточаным Марыупалі, адмовілася ад капітуляцыі, якую раней прапаноўваў ёй расійскі бок.

03cb0000_0aff_0242_6939_08da1ed6437d_w1023_r1_s.jpg


«Горад усё яшчэ не паў», — заявіў украінскі прэм’ер Дзяніс Шмыгаль у інтэрв'ю тэлеканалу ABC, адзначыўшы, што ўкраінскія войскі ўсё яшчэ кантралююць некаторыя часткі Марыупаля.

Раней у нядзелю расійскі бок прапанаваў украінскім вайскоўцам у Марыупалі скласці зброю і здацца.

Паводле паведамленняў расійскага міністэрства абароны, украінскія вайскоўцы знаходзяцца ў атачэнні на заводзе «Азоўсталь». Размова можа ісці пра 2,5 тысячы вайскоўцаў.