«Упершыню ў жыцці я не ведаў, куды бегчы...» Ва Украіне пад абстрэл трапіў пасланнік Папы Рымскага

Пасланнік Папы Рымскага ва Украіне кардынал Конрад Краеўскі трапіў пад абстрэл падчас дастаўкі гуманітарнай дапамогі ў Запарожскай вобласці.
Фота Vatican News

Фота Vatican News

Пра гэта паведамляе Vatican News.

Разам з ім былі яшчэ трое людзей — каталіцкі і пратэстанцкі біскупы і вайсковец, які іх суправаджаў.

Па словах Краеўскага, іх мікрааўтобус вёз дапамогу жыхарам вёсак зусім побач з лініяй фронту, дзе праз абстрэлы не бывае амаль нікога, акрамя вайскоўцаў.


Місія паспяхова давезла груз у першую кропку на маршруце, а каля другой трапіла пад абстрэл.

«Упершыню ў жыцці я не ведаў, куды бегчы... таму што недастаткова проста бегчы, трэба ведаць, куды», — распавёў Конрад Краеўскі.

У выніку абстрэлу ніхто не пацярпеў, груз у выніку даставілі.

Гэта чацвёртая пасля 24 лютага гуманітарная паездка Краеўскага ва Украіну.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: