Беларускія маці зладзілі акцыю супраць вайны і забойства дзяцей

Беларускія маці ладзяць акцыю супраць вайны і забойства дзяцей. Яны кладуць цацкі сваіх дзяцей там, дзе іх убачаць людзі, і пішуць, што яны думаюць пра вайну.

«Мы павінны паказаць, што мы супраць таго, каб паміралі дзеці. Бо чужых дзяцей не бывае!», — кажуць жанчыны.

У Беларусі працягваецца жорсткая барацьба з любой нязгодай. І нават за пакінутую цацку з аркушам можна атрымаць рэальны тэрмін. Але маці заклікаюць усіх далучацца да гэтай акцыі па ўсёй краіне, бо забойства дзяцей нельга не заўважаць.