Калі на самазахаванне Расіі замахваецца нават Малдова — нешта з самазахаваннем не так

Нарэшце ў спецыяльнай аперацыі з'явілася выразная мэта. Раней быў толькі шлях. А цяпер вось ёсць і мэта, — піша аўтар тэлеграм-канала «Лісты да дачкі».

Мы тут высоўвалі розныя здагадкі, а Пуцін учора канкрэтна сказаў, што мэта спецыяльнай аперацыі — захаваць Расію. Так што дарма ёрнічалі пра адмоўную дэмілітарызацыю. Атрымліваецца, што мэта спецыяльнай аперацыі выконваецца ў поўнай адпаведнасці з планам, пра які расійскія ўлады ўвесь час казалі. Ужо колькі часу прайшло, а яны яшчэ да гэтага часу захавалі Расію. Паставілі сабе за мэту, разумееш, захаваць — і захавалі.

Спосаб захавання Расіі расійскія ўлады абралі, вядома, крыху пікантны. Можна было і танней яе як-небудзь там захоўваць. Ну там... Не ведаю нават... Можна было б спецыяльных аперацый, напрыклад, не ладзіць.

Але, з іншага боку, вакол жа ворагі, якія кожны дзень замахваліся на расійскае самазахаванне то баявымі камарамі, то выбарчымі вірусамі. Вось як сказаў учора міністр Лаўроў, ужо і Малдова пачала замахвацца. А калі ўжо на ваша самазахаванне замахваецца Малдова, то, сапраўды, нешта з гэтым самазахаваннем не так.

Аднак я практычна ўпэўнены, што, насуперак варожым інтрыгам, расійскія ўлады і далей будуць дамагацца гэтых пастаўленых перад сабой высокіх мэтаў. У сэнсе самазахавання я маю на ўвазе. Прынамсі яшчэ некаторы час так дакладна. Тут жа галоўнае — правільныя фармулёўкі і выразная пастаноўка задачы.

Вось міністр Лаўроў учора сказаў, што чым больш дальнабойнейшай будзе зброя, якую NATO пастаўляе Украіне, тым далей Расіі прыйдзецца адсоўваць межы, каб гэта зброя не дастала да расійскай тэрыторыі. Але ж ён не сказаў, у які бок адсоўваць. Межы ж можна рухаць і ў адваротным кірунку. І калі, напрыклад, рэзка адсунуць іх, на дзвесце кіламетраў на ўсход, то ніякая артылерыя NATO сапраўды не дастане. Падавяцца яны, даставаць сваёй дальнабойнай артылерыяй. Тым больш, метад паспяхова апрабаваны ў Харкаўскай і Херсонскай абласцях.

Увогуле, мэты, якія звязаны з самазахаваннем, здаюцца праўдападобнымі і пераканаўчымі. Галоўнае — з гэтым доўга не цягнуць. Таму што могуць з'явяцца новыя нядобразычліўцы — і давядзецца ставіць перад сабой новыя мэты.