Міхаіл Падаляк: Неўзабаве баявыя дзеянні перанясуцца на тэрыторыю Расіі

Расійская Федэрацыя сама неўзабаве перанясе ваенныя дзеянні на сваю тэрыторыю. А інцыдэнты са складамі зброі і паліва будуць толькі пачашчацца.

Пра гэта ў размове з украінскай рэдакцыяй Radio Free Europe сказаў антыкрызісны дарадца кіраўніка Офіса прэзідэнта Украіны Міхаіл Падаляк.

"Яны лічылі, што гэтая вайна дзесьці там адбываецца, а мы тут сядзім — шампанскае, ікра і гэтак далей, — разважаем, ходзім у госці, тусуемся ў начных клубах. Але інтэнсіўнасць баявых дзеянняў, якую сёння дэманструе Расійская Федэрацыя, яна адназначна перанясе баявыя дзеянні на тэрыторыю Расійскай Федэрацыі. Гэта ж зразумела.

І не важна, хто там будзе ваяваць. Можа быць, яны будуць там правакацыі свае ствараць, магчыма, яны будуць падрываць...

Безумоўна, такія эксцэсы на базах гаруча-змазачных матэрыялаў, на складах са зброяй будуць толькі павялічвацца. Нават калі Украіна не будзе да гэтага датычная, безумоўна, мы будзем з цікавасцю за гэтым назіраць, як падае вялікая і магутная расійская вертыкаль улады».