Наступная фаза вайны ва Украіне можа вызначыць яе зыход

Вайна ва Украіне падышла да чарговага скрыжавання, і войскі з абодвух бакоў рыхтуюцца да трэцяга акта баявых дзеянняў, які можа пераламаць баланс канфлікту.

 Пра гэта пішуць у аналітычным артыкуле журналісты тэлекампаніі CNN.

"Гэта вельмі зацяжная барацьба, — кажа Джасцін Бронк, старшы навуковы супрацоўнік Каралеўскага аб'яднанага інстытута абаронных даследаванняў (RUSI), калі апісвае становішча пасля трох месяцаў баёў у Данбасе. — Гэта барацьба паміж двума войскамі, абодва з якіх панеслі велізарныя страты і блізкія да знясілення".

Чакаецца, што наступным крокам расійскага прэзідэнта Уладзіміра Пуціна будзе наступ на Данецкую вобласць, захоп якой будзе азначаць захоп усяго Данбаса.

Але калі і як гэта адбудзецца, пакуль незразумела. У той час, як Расія працягвае інтэнсіўныя авіяўдары, расійскія сухапутныя войскі знаходзяцца ў сярэдзіне аператыўнай паўзы.

Гэта можа даць украінскай арміі час для падрыхтоўкі да абароны тых частак Данецкай вобласці, якія яна ўсё яшчэ ўтрымлівае; галоўным чынам, прамысловага пояса, які ішоў на поўдзень ад Славянска. Таксама захоўваецца верагоднасць контрнаступленняў Украіны ў іншых частках краіны, у тым ліку ў Херсоне.

Наступная фаза поўнамаштабных баявых дзеянняў, калі яна пачнецца, можа аказацца не апошняй, піша CNN, але яна можа вызначыць будучыню цэнтральнага рэгіёну Украіны — і, на думку аналітыкаў, у значнай ступені вызначыць зыход вайны.

Паводле ВВС