«Кветкі надзеі» ў разбураным Ірпені. Фота

З ідэяй размаляваць кветкамі сланечніку спаленыя падчас уварвання расійскіх войскаў цывільныя аўтамабілі выступіў мастак з Лос-Анджэлеса Трэк Кэлі. Яго падтрымалі ўкраінскія мастакі. Так пачалася рэалізацыя арт-праекту «Кветкі надзеі». Паводле арганізатараў, з пачаткам поўнамаштабнага ўварвання Расіі сланечнік стаў сімвалам украінскай нязломнасці, еднасці і надзеі на адраджэнне мірнага жыцця.

Мастакі, якія папулярызуюць стрыт-арт са сланечнікамі і хэштэгам #flowersforhope, спадзяюцца з дапамогай NFT-тэхналогій сабраць сродкі для гуманітарных місій ва Украіне.

Сланечнік таксама намалявалі на амаль цалкам знішчаным Доме культуры…
Трэба сказаць, што ў Ірпені пашкоджана больш за 1000 будынкаў — гэта 71% тэрыторыі горада. Такія звесткі агучыў мэр горада Аляксандр Маркушын са спасылкай на спадарожнікавы цэнтр ААН Unosat. Паводле яго слоў, 115 будынкаў разбураныя цалкам, 698 атрымалі значныя пашкоджанні, 187 пашкоджаныя часткова.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: