Сцэнарыст серыяла «Картачны дом» здымае фільм пра зверствы ў Бучы

Бо Уіліман, сцэнарыст серыяла "Картачны дом", наведаў Украіну, каб зняць дакументалку пра зверствы ў Бучы

filestoragetemp_2022_04_12t183820_257.jpg

Амерыканскі драматург Бо Уіліман, больш вядомы як сцэнарыст серыяла "Картачны домік", разам са сваёй камандай прыбыў на Кіеўшчыну, каб задакументаваць наступствы жорсткасці расійскіх вайскоўцаў і расказаць свету пра ўкраінскі супраціў.

Бо Уіліман шакавалі зверствы, якія здзейснілі расійскімі вайскоўцамі, але натхнілі ўкраінцы, якія вяртаюцца дадому, аднаўляюць гарады і вераць у перамогу над ліхам.

"Будуць сцэны пра звычайных людзей, якія былі вымушаныя сутыкнуцца з уварваннем: як гэтыя людзі выжываюць, адаптуюцца, развіваюцца ў эпіцэнтры канфлікту. Сёння мы бачылі Барадзянку, Бучу — неверагодныя маштабы спусташэння і стратаў, з якімі людзям давялося спраўляцца. На мяне ўсё гэта аказала магутнае эмацыйнае ўздзеянне", — распавёў сцэнарыст.

"Мне пашанцавала ніколі ў жыцці не сутыкацца з вайной настолькі блізка, не прыйшлося бываць у гарадах адразу пасля баёў — гэта мой першы досвед", — кажа Бо Уіліман 

"Я думаю, калі людзі выбіраюць нападаць на іншых людзей з такой лютасцю — гэта найгоршая праява чалавецтва, супрацьзаконнае ўварванне. Аднак вельмі натхняе тое, як жыхары Барадзянкі ўжо прыводзяць у парадак і аднаўляюць свой горад: ты бачыш, як людзі чысцяць вуліцы, ты бачыш, як брыгады будаўнікоў разбіраюць завалы, як людзі разам спрабуюць рабіць рамонт, і на ўездзе ў горад мы бачылі вялікую двухкіламетровую чаргу з машын людзей, якія спрабуюць вярнуцца дадому", — падзяліўся ён.

Паводле kino.24tv.ua