У акупаваную РФ украінскую Кірылаўку заехалі беларускія вайскоўцы?

У акупаванае арміяй РФ мястэчка ў Запарожскай вобласці заехалі беларускія вайскоўцы. Прынамсі, пра гэта заявіў мэр Мелітопаля.

mer_melitopalja.jpg



Расійскія захопнікі працягваюць нарошчваць сваю прысутнасць ва Украіне. Мелітопальскі гарадскі галава Іван Фёдараў напісаў пра беларускіх вайскоўцаў, што вырашылі дапамагаць арміі РФ утрымліваць захопленыя ўкраінскія тэрыторыі. Пра гэта ж ён казаў і ў эфіры марафону. «У іх шаўроны віцебскіх падраздзяленняў — нейкай часткі ці брыгады». Можа, беларускія вайскоўцы будуць казаць, што гэта ўдзельнікі прыватных вайсковых кампаній, дапусціў мэр Мелітопаля.

«Акупанты Запарожскай вобласці распаўсюджваюць "папярэджанне аб абстрэлах" у прапагандысцкіх сацсетках», — заявіў мэр горада.

Фёдараў расказаў, што ў Мелітопалі праз кожныя 100 метраў расставілі ваенных, спыняюць аўто і мінакоў, правяраюць дакументы і тэлефоны, папярэджваюць аб «пагрозе» з боку УСУ. У пасёлку Мірны Мелітопальскага раёна закрылі школу да 30 студзеня — гэта патлумачылі «абаронай дзяцей ад удараў УСУ».


Мэр Мелітопаля распавёў пра мэты арміі РФ на захопленай тэрыторыі:

прымусіць жыхароў не чакаць УСУ, а баяцца ўкраінскага войска;

апраўдаць любы тэрор у акупацыі «абаронай» цывільных людзей;

абстрэльваць цывільную інфраструктуру і перакласці віну на УСУ;

нарошчваць вайсковыя сілы на акупаваных тэрыторыях.

«Так, учора і сёння ў Кірылаўку заехалі беларускія вайскоўцы», — дадаў Фёдараў.