37 краін заклікалі адхіліць Беларусь і Расію ад міжнародных спартыўных спаборніцтваў

37 краін заклікалі адхіліць Беларусь і Расію ад міжнародных спартыўных спаборніцтваў. Гэта пакаранне за ўдзел гэтых краін у агрэсіі супраць Украіны.

У звароце кіраўнікоў спартыўных ведамстваў ЗША, Вялікабрытаніі, Італіі, Японіі і дзясяткаў іншых краін утрымліваецца заклік да ўсіх спартыўных федэрацый не дазваляць Беларусі і Расіі прымаць міжнародныя спаборніцтвы, а іх камандам і спартсменам — удзельнічаць у замежных турнірах, паведамляе Еўрарадыё са спасылкай на Reuters.

Ім збіраюцца абмежаваць і магчымасці для спонсарства.

Такія абмежаванні мусяць дзейнічаць да часу з'яўлення магчымасці «для супрацоўніцтва на базе фундаментальных прынцыпаў міжнароднага права».

Прадстаўнікі КНР і Індыі заяву не падпісалі.

Раней шматлікія федэрацыі ўжо зрабілі немагчымым удзел беларускіх спартсменаў у міжнародных спаборніцтвах. Цяпер жа робіцца спроба цалкам накласці санкцыі на беларускі, як і расійскі, спорт.