Беларускіх хакеістаў не дапусцяць да міжнародных спаборніцтваў у новым сезоне
Міжнародная федэрацыя хакея (IIHF) не будзе дапускаць зборныя Расіі і Беларусі да міжнародных спаборніцтваў у 2023 годзе. Пра гэта заявіў прэзідэнт арганізацыі Люк Тардзіф.
У лютым савет
IIHF адхіліў зборныя Расіі і Беларусі ад міжнародных спаборніцтваў на
нявызначаны тэрмін.
Каманды ўжо
прапусцілі чэмпіянат свету 2022 года ў Фінляндыі. Пазней незалежны
дысцыплінарны савет IIHF адхіліў апеляцыю Федэрацыі хакея Расіі (ФХР) на
адхіленне зборных РФ ад удзелу ў міжнародных спаборніцтвах.
«Расія і
Беларусь па-ранейшаму не дапускаюцца да спаборніцтваў у наступным сезоне.
Рашэнні па іх будуць абнаўляцца ад сезону да сезону», — сказаў Тардзіф.
Акрамя таго,
прэзідэнт IIHF адзначыў, што арганізацыя пакінула пытанне санкцый у дачыненні
да хакеістаў за выступленне ў чэмпіянатах Расіі і Беларусі на меркаванне
нацыянальных федэрацый.
