У Мінску на баскетбольным турніры трэнер быў у майцы з літарай Z
Як паведамляе Трыбун*, 12 лютага ў Мінску прайшоў матч студэнцкай Лігі РЖД. Трэнер гасцявой каманды вырашыў паказаць сваё стаўленне да вайны.
Фота: Трыбун*
У матчы рэзервовая каманда баскетбольнага «Мінска» атрымала ўпэўненую перамогу над «СурГУ» з лікам 90:46. Характэрным гэты матч стаў па адной прычыне.
Галоўны трэнер сургуцкай каманды Яўген Пашкоў кіраваў сваімі падапечнымі ў футболцы з літарай «Z», якая з'яўляецца сімвалам расійскага ўварвання ва Украіну.
Гэта не першае з'яўленне коуча на публіцы ў такой футболцы. Пашкоў быў гэтак жа апрануты і на матчы сваёй каманды 23 кастрычніка 2022 года супраць знакамітай каманды «УРГУПС». Тая сустрэча завяршылася перамогай «СурГУ» – 71:68.
І пасля гэтага хтосьці кажа, што спорт па-за палітыкай?
