812-ты дзень вайны. Харкаў пад абстрэлам. Масіраваная атака Крыма

Сітуацыя ў Харкаве надзвычай складаная. Тым не менш, у горад наадварот прыязджаюць людзі з населеных пунктаў, дзе ідуць актыўныя баявыя дзеянні. Таксама пад атакай расійскі Белгарад, Растоў, акупаваны Крым. 

Ранішняя зводка Генштаба УСУ. Галоўнае:

За суткі адбылося 145 баявых сутыкненняў;

Расійскія войскі нанеслі тры ракетныя ўдары, больш за 320 удараў з дапамогай дронаў-камікадзэ і здзейснілі больш за 2400 абстрэлаў пазіцый украінскіх сіл;

На харкаўскім напрамку УСУ адбілі 11 атак расійскай арміі на напрамках Глыбокае — Ліпцы, Лук'янцы — Ліпцы, Барысаўка — Нясумнае, Шабекіна — Ваўчанск;

На купянскім напрамку ВС РФ здзейснілі 16 нападаў на пазіцыі ўкраінскіх войскаў;

На Пакроўскім напрамку падраздзяленні ВСУ адбілі 33 атакі расійскай арміі, там трываюць яшчэ сем баявых сутыкненняў.

Крым быў атакаваны 10 ракетамі ATACMS

Над Крымам у ноч на 15 траўня былі збітыя 10 дальнабойных ракет ATACMS. Пра гэта заявілі ў Мінабароны Расіі.

Украінскі маніторынгавы паблік «Крымскі вецер» са спасылкай на падпісчыкаў паведамляў аб выбухах у раёне аэрадрома Бельбек пад Севастопалем, а таксама ў Еўпаторыі і ў Бахчысарайскім раёне.

Паводле звестак спадарожнікавых здымкаў, на аэрадроме ўзніклі тры ачагі пажару ў раёне ўзлётнай паласы і месцаў стаянак самалётаў, піша «Крымскі вецер».

Зяленскі адмяніў візіты ў Іспанію і Партугалію з-за сітуацыі на фронце

Прэзідэнт Украіны Уладзімір Зяленскі адмяніў візіты ў Іспанію і Партугалію, якія павінны былі адбыцца напрыканцы гэтага тыдня. CNN Portugal сцвярджае, што такое рашэнне было прынята з-за «цяжкай унутранай сітуацыі ва Украіне».

«Не паведамляючы падрабязнасцяў, асяроддзе кіраўніка ўкраінскай дзяржавы, верагодна, разумела, што складаная сітуацыя на некалькіх участках фронту, у прыватнасці ў Харкаве, не падыходзіць у дадзены момант да выездаў за мяжу», – піша выданне.

ISW: Захад вінаваты ў тым, што Расія наступае ў Харкаўскай вобласці?

Расія за мінулыя суткі прасунулася ў напрамку Ваўчанска

Пра гэта піша ваенны паблік Deep State.

Мяркуючы па карце, расійцы замацаваліся на поўнач ад Ваўчанска на ўчастку Гацішча — Пляценёўка, а таксама на паўночнай ускраіне самога горада.

Таксама яны прасунуліся на захад ад Ваўчанска з апорай на сяло Буграватка, якое, мяркуючы па карце Deep State, па большай частцы захоплена.

Украінскі Генштаб у ранішняй зводцы зноў заявіў, што УСУ пакінулі шэраг пазіцый пад Ваўчанскам, а таксама на захад ад — у раёне Лук'янца.

«На асобных участках, у раёнах Лук'янцоў і Валчанска, у выніку агнявога ўздзеяння і штурмавых дзеянняў суперніка, для захавання жыццяў нашых вайскоўцаў і пазбягання страт падраздзяленні здзейснілі манеўр і перамясціліся на больш выгадныя пазіцыі. Баі трываюць», — паведамілі ў ГШУ.

У Растоўскай вобласці дроны атакавалі паліўную базу

Губернатар Растоўскай вобласці Васіль Голубеў паведаміў, што раніцай 15 мая ў выніку атакі двух беспілотнікаў адбыліся два выбухі на паліўнай базе ў Пралетарскім раёне.

Па ягоных дадзеных, пацярпелых няма, узгарання паліва не адбылося. 

«Альбо Расія перастане быць пуцінскай, альбо яна перастане быць Расіяй»

Белгарад зноў пад абстрэлам

На падлёце да Белгарада сродкі СПА збілі «некалькі паветраных цэляў», паведаміў губернатар Белгарадскай вобласці Гладкоў.

Па папярэдніх дадзеных, пацярпелі двое жыхароў пасёлку Дубовае. Жанчына атрымала раненне пляча, у мужчыны — апёкі. Іх шпіталізавалі.

Акрамя таго, у пасёлку пасля адбіцця паветранага нападу з боку УСУ «розныя пашкоджанні выяўлены ў сямі прыватных жылых домаўладаннях: выбітыя вокны, наведаныя дахі і платы».

Харкаў пасля абстрэлаў

14 траўня расійскія войскі некалькі разоў абстрэльвалі Харкаў.

Паводле апошніх звестак, пацярпелі 22 чалавекі.

У горадзе пашкоджаны прыватныя і шматкватэрныя дамы, навучальная ўстанова, аўтамабілі.

Кіраўнік Харкава Ігар Церахаў заявіў, што па стане на 15 траўня эвакуацыя насельніцтва з горада не плануецца.

Паводле яго слоў, зараз у горад наадварот прыязджаюць людзі з населеных пунктаў, дзе ідуць актыўныя баявыя дзеянні. Аб гэтым Церахаў распавёў у эфіры тэлемарафона, перадае «Украінская праўда».

Церахаў заявіў, што ў горада дастаткова і цёплага адзення, і іншых рэчаў, якія патрэбны эвакуіраваным, але ёсць праблема з электразабеспячэннем.

«Пасля абстрэлаў 23 сакавіка, калі нам разбурылі ўсе ЦЭЦ і трансфарматарныя падстанцыі, мы не маем сёння ўласнай генерацыі электраэнергіі. Канешне, з-за гэтага ёсць графікі адключэнняў і для прадпрыемстваў, і для жылых дамоў. Сітуацыя напружаная», — заключыў мэр горада.