932-гі дзень вайны: З-за абстрэлу РФ загінулі трое супрацоўнікаў Чырвонага Крыжа

Чырвоны Крыж пацвердзіў абстрэл свайго аўтамабіля з гуманітарнай дапамогай у Вералюбоўцы Данецкай вобласці, у выніку якога загінулі трое і параненыя двое супрацоўнікаў арганізацыі. 

У выніку расійскага ўдару па Данецкай вобласці загінулі трое супрацоўнікаў Чырвонага Крыжа, яшчэ двое параненыя

Раніцай 12 верасня ў выніку артабстрэлу населенага пункта Віралюбаўка Канстанцінаўскага пасёлка Данецкай вобласці загінулі трое супрацоўнікаў Міжнароднага камітэта Чырвонага Крыжа, яшчэ двое былі параненыя. Знішчаны грузавік з гуманітарнай дапамогай і легкавы аўтамабіль.

Украінскі амбудсмен Дзмітрый Лубінец, каментуючы сітуацыю, адзначыў, што загінулыя і параненыя — штатныя супрацоўнікі МКЧК, якія знаходзіліся ў грузавіку падчас абстрэлу. 

Ён заклікаў МКЧК публічна асудзіць дзеянні Расіі, якія з'яўляюцца парушэннем нормаў Жэнеўскіх канвенцый, і выказаў абурэнне адсутнасцю рэакцыі міжнародных арганізацый.

Пасля нападу на машыны гуманітарнай місіі Міжнароднага камітэта Чырвонага Крыжа ў Данецкай вобласці прэзідэнт Украіны Уладзімір Зяленскі заклікаў свет да больш рашучых дзеянняў, каб спыніць тэрор Расійскай Федэрацыі.

«Пакуль вядома пра двух параненых — ім аказваецца ўся неабходная дапамога. На жаль, у выніку гэтага расійскага ўдару загінулі тры чалавекі. Мае спачуванні родным і блізкім.

У гэтай вайне ўсё абсалютна відавочна: Расія нясе зло, Украіна абараняе жыццё. І калі нехта хоча пачуць «абодва бакі», то ў Расіі гэта ўспрымаецца толькі як дазвол працягваць забіваць.

Свет павінен адрэагаваць жорстка і прынцыпова. Немагчыма заставацца абыякавымі як да краін, так і да міжнародных арганізацый. Толькі разам свет можа прымусіць Расію спыніць гэты тэрор і прымусіць Маскву шукаць міру».

Чырвоны Крыж пацвердзіў абстрэл свайго аўтамабіля з гуманітарнай дапамогай у Вералюбоўцы Данецкай вобласці, у выніку якога загінулі трое і параненыя двое супрацоўнікаў арганізацыі. 

«Я асуджаю напады на персанал Чырвонага Крыжа самым рашучымі словамі. Нельга ўявіць, што абстрэлы ідуць па месцы размеркавання дапамогі», — заявіла прэзідэнт МКЧК Мір'яна Спалярыч. 

Паводле інфармацыі Чырвонага Крыжа, мясцовыя жыхары не пацярпелі, таму што раздача дапамогі не паспела пачацца. Раздаваць павінны былі драўняныя і вугальныя брыкеты.

Расійская армія нанесла ўдар па Канатопу. Параненыя 14 чалавек

Расійскія войскі ў ноч на 12 верасня нанеслі масіраваны авіяўдар дронамі па горадзе Канатопу ў Сумскай вобласці. 

Як заявілі ў ваеннай адміністрацыі рэгіёну, мэтай удару сталі аб'екты энергетыкі і грамадзянскай інфраструктуры, у тым ліку жылыя дамы, навучальныя і медыцынскія ўстановы. 

У горадзе зафіксавалі дзесяць выбухаў. Паводле апошніх звестак, у выніку расійскай атакі 14 чалавек атрымалі раненні рознай ступені цяжкасці. Сярод пацярпелых — непаўнагадовы. 

Мэр Канатопа Арцём Сямініхін назваў сітуацыю з электразабеспячэннем крытычнай, энергетычная інфраструктура атрымала значныя пашкоджанні — горад фактычна абясточаны. 

Са слоў чыноўніка, цяпер энергетыкі робяць усё магчымае, каб вярнуць электрычнасць у лякарню і на водаканал. Прагнозаў аб аднаўленні энергазабеспячэння ў жылых дамах ён не стаў даваць. 

Нацыянальная паліцыя Украіны апублікавала фота наступстваў удару па Канатопе. У ведамстве заявілі, што ў горадзе пашкоджаны сем шматкватэрных дамоў, адзін прыватны жылы дом, бальніца, навучальная ўстанова, крама, гаражы, аўтамабілі.

Унікальная падзея: ГУР знішчыла ў Чорным моры з ПЗРК расійскі знішчальнік Су-30СМ

Украінскія разведчыкі знішчылі ў Чорным моры расійскі самалёт Су-30СМ. Ён быў падбіты з борта ПЗРК — пераноснага зенітна-ракетнага комплексу , паведамляе РБК-Украіна.

«Падчас аперацыі ў акваторыі Чорнага мора вайскоўцы спецпадраздзялення ГУР Мінабароны Украіны трапляннем з ПЗРК знішчылі расійскі баявы самалёт Су-30СМ», — гаворыцца ў паведамленні.

• Што вядома пра самалёт

Знішчальнік, які ўпаў у мора, належаў да 43-га асобнага марскога авіяцыйнага палка ВКС РФ, які базуецца на аэрадроме горада Сакі ў часова акупаваным Крыме.

Кошт такога самалёта складае прыкладна 50 мільёнаў долараў.

Галоўны рэдактар Defense Express Алег Каткоў  назваў гэты выпадак падзеяй унікальнай і адзначыў, што гэта была няпростая аперацыя, піша www.rbc.ua

«Падзея незвычайная. Таму што ў любым выпадку збіты з ПЗРК Су-30СМ — гэта даволі складаная сітуацыя. Асабліва калі гаворка ідзе пра тое, што гэта трэба зрабіць, калі ты на катэры пасярод Чорнага мора», — адзначыў ён.

Эксперт нагадаў, што ёсць відэа з ГУР Мінабароны, калі разведчыкі падчас аналагічнай аперацыі, звязанай з марскімі платформамі, абстралялі расійскія самалёты з ПЗРК. Але тыя змаглі дабрацца да сваёй авіябазы.

«Гэта значыць, у любым выпадку, гэта непаўторная падзея. Гэта ўвогуле даволі ўнікальны выпадак. А тут гаворка пра перамогу Украіны», — дадаў Каткоў.

На пытанне, ці праводзіліся ўжо падобныя аперацыі, эксперт адказаў, што гэта складанае пытанне. Але напэўна ўжо былі выпадкі знішчэння варожых самалётаў з ПЗРК: «Таму што існуе вялікі пералік страт у РФ, якія адбыліся ў пачатку поўнамаштабнага ўварвання, калі расійская авіяцыя дзейнічала непасрэдна па баявых парадках украінскіх абаронцаў. Была спроба захапіць татальную перавагу ў небе. Дакладней, нават праціўнік лічыў, што гэта зрабіў. Але якраз у першыя дні ўварвання, па афіцыйнай статыстыцы, праціўнік атрымаў велічэзныя страты ў авіяцыі. Хоць трэба прааналізаваць кожны выпадак, ці былі яны збітыя з ПЗРК».

Расія атакавала карабель з пшаніцай у Чорным моры 

Наступствы расійскага ўдару па судне са збожжам.

Украіна чакае рэакцыі свету, таму што пшаніца і харчовая бяспека не павінны быць мішэнню для ракет, адзначыў Уладзімір Зяленскі. Расійскія агрэсары нанеслі ў Чорным моры ўдар п караблі, які перавозіў збожжа з Украіны ў Егіпет. 

Пра гэта паведаміў прэзідэнт Украіны Уладзімір Зяленскі ў Telegram у чацвер, 12 верасня. «Расійская ракета супраць грузу пшаніцы для Егіпта. Сённяшні ўдар у Чорным моры — па звычайным грамадзянскім судне адразу пасля выхаду з украінскіх тэрытарыяльных вод. Паводле папярэдніх звестак, на шчасце, абышлося без чалавечых страт», — напісаў ён. Прэзідэнт нагадаў, што Украіна з'яўляецца адным з ключавых глабальных донараў харчовай бяспекі ў свеце.

Навіны вайны

• Група ўкраінскіх пілотаў пачала падрыхтоўку на знішчальніках F-16 у Румыніі, паведаміў міністр абароны Рустэм Умераў па выніках тэлефоннай размовы са сваім румынскім калегам Анджэлам Тылварам.
• Літва плануе набыць для Украіны зенітна-ракетныя комплексы малой далёкасці для сістэм СПА, паведаміў прэзідэнт краіны Гітанас Наўседа падчас сумеснай прэс-канферэнцыі з Зяленскім у Кіеве. Наўседа адзначыў, што на працягу двух-трох тыдняў «атрымаем станоўчы вынік і зможам як мага хутчэй перадаць гэтыя сістэмы ўкраінцам».
• У Расіі нарэшце згадалі пра існаванне Курскай вобласці.

Аналітычны партал DeepState паведаміў, што расійскія войскі пачалі актыўныя штурмавыя дзеянні ў рэгіёне. Расіяне спрабуюць атакаваць украінскія сілы з некалькіх кірункаў. Сітуацыя на левым флангу ўкраінскай групоўкі пагоршылася. 

Зяленскі падчас прэс-канферэнцыі з літоўскім калегам Гінтарасам Наўседам у Кіеве пацвердзіў, што расійскія войскі пачалі контрнаступленне ў Курскай вобласці, і дадаў, што «ўсё ідзе паводле нашага ўкраінскага плану».

• Зяленскі ў інтэрв'ю бразільскай газеце Metrópoles раскрытыкаваў і назваў дэструктыўным «мірны план» Бразіліі і Кітая па завяршэнні вайны ва Украіне.

«Кітайска-бразільская прапанова — таксама дэструктыўная, гэта проста палітычная заява. І я казаў Лула, і мы перадавалі кітайскаму боку: давайце разам садзіцца, давайце разам размаўляць. Вы нам не ворагі, мы вам не ворагі. З чаго вы раптам вырашылі, што вы павінны прымаць бок Расіі ці быць дзесьці пасярэдзіне?»

Таксама Зяленскі перакананы, што кітайска-бразільскі «мірны план» быў загадзя ўзгоднены з Масквой. Зяленскі назваў бразільскі ўрад прарасійскім і заклікаў яго рабіць больш для падтрымкі Украіны.

• Украінскі Генштаб агучыў арыенціровачныя страты РФ па стане на раніцу 12 верасня.

Асабовага складу — каля 630 200 (+1270) чалавек, танкаў — 8653 (+11), баявых браніраваных машын — 16 955 (+17), артылерыйскіх сістэм — 18 009 (+73), РСЗА —  1184 (+2), сродкаў СПА — 945 (+2), самалётаў — 369 (+1), БПЛА аператыўна-тактычнага ўзроўню — 15 033 (+43), аўтамабільнай тэхнікі і аўтацыстэрнаў — 24 481 (+93), спецыяльнай тэхнікі — 3061 (+2).

• Амерыканскі інстытут вывучэння вайны (ISW) паведамляе, што расійскае войска, імаверна, захапіла дзве вёскі на Пакроўскім кірунку — Лісоўку і Марынаўку. У той жа час аналітыкі не бачаць ніякіх прыкмет таго, што УСУ ва Украінску (на паўднёвы ўсход ад Пакроўска) знаходзяцца пад пагрозай акружэння. Украінскі OSINT-праект DeepState таксама паведамляе, што войскі РФ акупавалі Лісоўку, а таксама прасунуліся каля Лісоўкі, Кляшчэеўкі, Невельскага, Украінска і ў ваколіцах.