Ад расійскіх абстрэлаў выбухнула цыстэрна з азотнай кіслатой — атрутным воблакам накрыла рускія пазіцыі

У Рубежным ад расійскіх абстрэлаў выбухнула цыстэрна з чатырма тонамі азотнай кіслаты, паспавёў кіраўнік Луганскай абладміністрацыі.

У Рубежным з-за абстрэлаў расійскага войска выбухнула цыстэрна з чатырма тонамі азотнай кіслаты, яе пары распаўсюдзіліся ў раёне пазіцый расійскіх войскаў пад Кудрашоўкай і Варвараўкай, паведаміў кіраўнік Луганскай абладміністрацыі Сяргей Гайдай.

Па словах Гайдая, выбух адбыўся ў 17:09 па мясцовым часе з-за абстрэлу прамысловай зоны, але пагрозы для жыцця мясцовага насельніцтва няма.

«Ваяваць расіяне не ўмеюць — не разлічылі нават кірунак ветру. Воблака распаўсюдзілася ў бок іх пазіцый паблізу Кудрашоўкі і Варвараўкі», — пракаментаваў ён.

Гайдай падкрэсліў, што азотная кіслата небяспечная пры ўдыханні, глытанні і траплянні на скуру і слізістыя, і дадаў, што пары кіслаты выклікаюць раздражняльнае дзеянне на дыхальныя шляхі. «Пры слабых атручаннях з'яўляюцца прыкметы бранхіту, лёгкага бранхіяліту, галавакружэнне, санлівасць; пры цяжкіх атручваннях – ацёк лёгкіх», — распавёў кіраўнік абладміністрацыі.

Паводле slovoidilo.ua, mediazona.by