Адміністрацыя прэзідэнта Украіны: Пакуль рашэння аб перамовах няма

Дарадца кіраўніка офіса прэзідэнта Украіны Міхаіл Падаляк заявіў ВВС, што Масква лічыць прапановы Масквы аб перамовах у Беларусі ў Гомелі «прымітыўнай і прадказальнай прапагандысцкай гісторыяй», якую разыгрываюць Пяскоў і расійскі бок.

Раней прэс-сакратар прэзідэнта Расіі Дзмітрый Пяскоў паведаміў, што расійская дэлегацыя ўжо прыбыла ў Гомель на перамовы.
«Як магла прыехаць расійская дэлегацыя ў Гомель, калі пакуль няма афіцыйнага рашэння аб перамовах? Таму што Расія, прапанаваўшы перамовы і ўзмацніўшы абстрэл украінскай тэрыторыі, адразу паставіла ўльтыматум. Ён быў рэзка адхілены ўкраінскім бокам», — сказаў Падаляк.
Паводле яго слоў, Расія «ўжо падняла стратэгічныя бамбавікі Ту-22 для знішчэння мірнага насельніцтва і адначасова пайшла на Гомель»:
«Відавочна, што гэта ўсяго толькі прапаганда. Гэта менавіта паводзіны Расіі, якая правакуе свет на ўсё больш жорсткую рэакцыю. На поўнае адключэнне Расіі ад сусветных рынкаў і фінансаў. Таму што сапраўдныя перамовы павінны быць сумленнымі, скаардынаванымі і без асаблівых прапагандысцкіх аперацый», — сказаў ён. 
Падаляк дадаў, што пазіцыя Украіны «простая і празрыстая»: «сумленныя перамовы ва ўзгодненым месцы без ультыматумаў». Паводле яго слоў, пры «адэкватным падыходзе» з боку Масквы перамовы «пачнуцца неадкладна».