Археалагічная сенсацыя?

На Аравійскай паўвыспе археолагі знайшлі шэраг артэфактаў, якія могуць змяніць старажытную гісторыю міграцый. Даследчыкі мяркуюць, што засяленне чалавекам Паўднёва-Усходняй Азіі і Аўстраліі адбылося значна раней, чым меркавалася.

Уся старажытная гісторыя чалавецтва ці, што больш слушна, прагісторыя, дагэтуль вельмі заблытаная і незразумелая. Відаць, няма ніводнай тэорыі, якая б была прыняты большасцю даследчыкаў гэтага перыяду. Аднак новыя археалагічныя знаходкі могуць праліць святло на многія факты старажытнасці.



На Аравійскай паўвыспе археолагі знайшлі шэраг артэфактаў, якія могуць змяніць старажытную гісторыю міграцый. Даследчыкі мяркуюць, што засяленне чалавекам Паўднёва-Усходняй Азіі і Аўстраліі адбылося значна раней, чым меркавалася.
Уся старажытная гісторыя чалавецтва ці, што больш слушна, прагісторыя, дагэтуль вельмі заблытаная і незразумелая. Відаць, няма ніводнай тэорыі, якая б была прыняты большасцю даследчыкаў гэтага перыяду. Аднак новыя археалагічныя знаходкі могуць праліць святло на многія факты старажытнасці.
Лічыцца, што засяленне чалавекам планеты адбывалася з тэрыторыі Афрыкі, бо толькі там знойдзены рэшткі ўсіх звёнаў эвалюцыйнага ланцуга. У прыватнасці Паўднёва-Усходняя Азія і Аўстралія былі заселены каля 60 тысяч гадоў таму. Аднак доктар Оксфардаскага універсітэта М. Петраглія сцвярджае, што гэтую дату можна “паглыбіць на 70-80 тысяч гадоў ці нават раней.
Такія высновы былі зроблены на падставе каменных прылад працы з Аравійскай паўвыспы і Індыі. Усе яны розных памераў, у асноўным да 10 см. Дзякуючы дадзеным стратэграфіі і геалагічным даследаванням быў вызначаны іх узрост – як мінімум 74 тысячы гадоў. Усе знаходкі былі выяўлены за сотні кіламетраў ад прыбярэжнай зоны, што ўказвае на сухапутны шлях міграцыі чалавека. А больш падрабязны аналіз паказаў, што гэтыя прылады належаць чалавеку сучаснага тыпу, а не неандэртальцу, як меркавалася раней.
Відавочна слабым месцам гэтай тэорыі з’яўляецца адсутнасць генетычнага матэрыялу. Акрамя таго, як мяркуе прафесар К. Стрынгер з Музея натуральнай гісторыі ў Лондане, даследчыкі здолелі толькі паказаць прысутнасць чалавека па-за межамі Афрыканскага кантынента. Аднак невядома, ці маглі старажытныя людзі выжыць на новых тэрыторыях. Таму толькі далейшыя даследаванні ў Азіі і Еўропе змогуць праліць святло на праблему міграцыі чалавека.