Барэль: ЕС не прызнае часткай Расіі ніводзін захоплены кіламетр Украіны

Еўрапейскі саюз не прызнае часткай Расиі ніводзін захоплены квадратны кіламетр Украіны, заявіў высокі прадстаўнік ЕС па пытаннях знешняй палітыкі і бяспекі Жозеп Барэль на брыфінгу пасля пасяджэння Савета Еўрасаюза на ўзроўні міністраў замежных спраў краін-членаў ЕС у Брусэлі.


У прыватнасці, яго спыталі, як паўплываюць дзеянні Расіі па абвяшчэнню захопленых украінскіх тэрыторый часткай Расіі на магчымасць устанаўлення рэжыму спынення агню, паведамляе АФН.

«Мы не прызнаем ніводнага квадратнага кіламетра ўкраінскай зямлі, захопленай расійцамі. Як мы не прызналі Крым, бо мы не прызнаем ні адну частку Украіны, якая будзе заяўлена часткай Расійскай Федэрацыі. Мы абараняем тэрытарыяльную цэласнасць Украіны. І калі мы кажам, што спадзяемся, што Украіна выйграе гэтую вайну, гэта азначае, што яны змогуць адкінуць захопнікаў за лініі іх межаў», — сказаў кіраўнік еўрапейскай дыпламатыі.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: