ГУР: Самалётаў Су-57 магло быць два

Раніцай 9 чэрвеня стала вядома пра пашкоджанне самалёта Су-57 на аэрадроме ў РФ. Цяпер з'явілася інфармацыя, што пацярпець маглі два самалёты Су-57.

Пра гэта гаворыцца ў заяве прадстаўніка дзяржурада Андрэя Юсава ў эфіры ўсеўкраінскага тэлемарафону, піша РБК-Украіна.

«Ёсць даныя, якія працягваюць удакладняцца. Ёсць папярэднія звесткі, што пацярпець маглі два самалёты Су-57. Таксама ёсць звесткі аб беззваротных стратах і параненых сярод асабовага складу акупантаў», — сказаў прадстаўнік ГУР.

Адмірал Баўэр: «Забівай лучніка, а не ганяйся за стрэламі»

Юсаў растлумачыў, што ГУР толькі канстатуе сам факт пашкоджання, але не каментуе спосаб пашкоджання, а таксама чыя гэта аперацыя.

Ён падкрэсліў, што інфармацыя яшчэ ўдакладняецца, але гэта вельмі добрая навіна для Украіны. Гэта першае баявое паражэнне гэтага «звышсучаснага» самалёта.

Юсаў таксама адзначыў, што інцыдэнты на аэрадромах, якія Расія выкарыстоўвае ў вайне супраць Украіны, будуць працягвацца. 

Атака Су-57 у Расіі

Нагадаем, сёння ГУР паведаміла, што ў Расіі на аэрадроме Ахтубінск Астраханскай вобласці быў пашкоджаны самалёт Су-57. Гэта здарылася  за 589 кіламетраў ад лініі баявых дзеянняў.

Пашкоджанні былі Су-57 пацверджаны з дапамогай спадарожнікавых здымкаў. Аднак хто і чым збіў расійскі самалёт, не паведамляецца. 

837-мы дзень вайны: Украіна знішчыла найноўшы расійскі самалёт коштам у 100 млн долараў

Нагадаем, Су-57 — расійскі шматмэтавы знішчальнік. Расія адносіць яго да знішчальнікаў пятага пакалення. Гэта самы перадавы і самы каштоўны самалёт-знішчальнік у РФ. Аднак аналітыкі адзначаюць, што па характарыстыках СУ-57 фактычна не дацягвае да пятага пакалення.

Самалёт прызначаны для знішчэння ўсіх тыпаў паветраных цэляў, знішчэння наземных і надводных аб'ектаў, назірання за паветранай прасторай на вялікіх адлегласцях, вываду з ладу штабоў, камандных пунктаў і сістэмы кіравання тэхнікай праціўніка.

827-ты дзень вайны: Патопленая руская «Мечта»