Міністар абароны Вялікабрытаніі: Пуцін, яго генералы капіююць фашызм, паўтараюць памылкі таталітарных рэжымаў ХХ стагоддзя

Прэзідэнта і камандаванне Расіі чакае той жа лёс, што і пераможаных нацыстаў на Нюрнберскім трыбунале, падкрэсліў Бен Уолес.
Фота: AFP

Фота: AFP

Міністар абароны Вялікабрытаніі Бен Уолес лічыць, што расійскае камандаванне, як і прэзідэнт Расіі Уладзімір Пуцін, нясуць адказнасць за ваенныя злачынствы падчас маштабнага ўварвання ва Украіну, што можна параўнаць з дзеяннямі нацысцкага рэжыму падчас Другой сусветнай вайны. Пра гэта заявіў чыноўнік падчас выступлення ў Нацыянальным музеі войска ў Лондане. Уолеса цытуе Sky News.

«Уварваўшыся ва Украіну, Пуцін, яго атачэнне і генералы капіююць фашызм, тыранію, якой больш за 70 гадоў, паўтараючы памылкі таталітарных рэжымаў мінулага стагоддзя. Іх лёс урэшце будзе такім жа».

Паводле Уолеса, Пуцін «скраў» гісторыю барацьбы расійскага народу з нацызмам у сваіх палітычных мэтах.

«Яны не толькі ўдзельнічаюць у незаконным уварванні і ваенных злачынствах, але і іх вярхоўнае начальства пацярпела няўдачу ў сваіх шэрагах у такой ступені, што яны павінны быць прыцягнуты да ваеннага суду».

Многія заходнія лідары ў сваіх выступах пра перамогу над нацызмам сёлета згадваюць вайну ва Украіне, праводзячы прамую і ўскосную паралелі паміж дзеяннямі гітлераўскай Германіі ў Другой сусветнай вайне і сённяшняй Расіі.

9 траўня чакаецца, што прэзідэнт ЗША Джо Байдэн падпіша законапраект аб ленд-лізе для Украіны, паведамляе Белы дом. Зброя і іншыя тавары будуць пастаўляцца па ленд-лізе ЗША ўпершыню з часоў Другой сусветнай вайны.

Паводле Св*боды


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: