NATO амаль у 10 разоў узмоцніць усходні фланг праз «наўпроставую пагрозу» з боку Расіі

Паўночнаатлантычны альянс павялічыць колькасць сваіх вайскоўцаў да «больш за 300 000» у адказ на нічым не справакаванае ўварванне Расіі ва Украіну, заявіў генеральны сакратар NATO Енс Столтэнберг. Пра гэта ён сказаў перад самітам NATO ў Мадрыдзе.
Па словах Столтэнберга, Альянс вырашыў узмацніць свае групоўкі на ўсходнім флангу да ўзроўню брыгад.

«Мы ўзмоцнім нашу перадавую абарону... Мы трансфармуем Сілы рэагавання NATO і павялічым колькасць нашых сіл павышанай гатоўнасці да больш чым 300 000 чалавек», — сказаў Столтэнберг журналістам.

У цяперашні час сілы рэагавання NATO налічваюць каля 40 000 вайскоўцаў. Гэта значыць амаль у 10 разоў менш.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: