Па мянушцы Шныр. Украінскія партызаны ліквідавалі чарговага калабаранта

У акупаванай Кахоўцы (Херсонская вобласць) узарвалі «гаўляйтара» расійскіх захопнікаў Андрэя Штэпу па мянушцы Шныр. Пра гэта піша unian.net.

1578238204_4481.webp

Штэпа быў назначаны расійскімі акупантамі кіраўніком некалькіх населеных пунктаў Кахоўскага раёна. Пра яго гібель паведаміў у сацсетках дэпутат Херсонскага абласнога савета Сяргей Хлань.

«Паводле папярэдняй інфармацыі, калабарант, якога падарвалі ў Кахоўцы — гэта Шныр. Выбачайце за слэнг, але такія яны — «каштоўныя кадры» акупацыйных улад», — напісаў Хлань.

Ён дадаў, што Штэпа служыў расійцам з-за продажу самагону і наркотыкаў і ахвотна здаваў захопнікам украінскіх актывістаў.

1671721045_8011.webp

Кахоўка, якая знаходзіцца на левым беразе Дняпра, застаецца пад кантролем расійцаў амаль з самага пачатку поўнамаштабнага ўварвання РФ ва Украіну.

Нагадаем, што ад пачатку расійскай акупацыі ўкраінскія партызаны ліквідавалі ўжо некалькіх калабарантаў, якія пагадзіліся служыць «новым уладам».