Польшча перадала Украіне ўсе свае запчасткі і боекамплект для МіГ-29

Польшча перадала ўкраінскаму боку амаль усе запчасткі і боекамплект для МіГ-29, піша korrespondent.net.


Замест знішчальнікаў МіГ-29 Польшча дала Украіне велізарны запас запчастак і ўзбраення для гэтых машын. Мяркуецца, што дзякуючы гэтаму ўкраінскія Ваенна-паветраныя сілы змогуць аператыўна аднаўляць баяздольнасць сваіх самалётаў. Пра гэта паведамляе польскае выданне Onet.

Выданне адзначае, што нягледзячы на даволі паспяховае супрацьстаянне Украіны з расійскай авіяцыяй, сціплых рэсурсаў не хопіць на тое, каб весці баі з сіламі ВПС Расіі доўгі час. Таму практычна з самага пачатку вайны Кіеў просіць падтрымкі ў заходніх партнёраў, у тым ліку ў пастаўках знішчальнікаў.

Меркавалася, што Украіне перададуць савецкія знішчальнікі МіГ-29, якія стаяць на ўзбраенні польскай, славацкай і балгарскай армій, але гэтага пакуль не адбылося.

Аднак, па інфармацыі Onet, Польшча перадала ўкраінскаму баку амаль усе запчасткі і боекамплект для Міг-29.

«Дзякуючы гэтаму яны могуць аднаўляць баяздольнасць наяўных знішчальнікаў», — адзначае выданне.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: