Расія заявіла, што Польшча «пераходзіць да захопу» Украіны

У Радзе бяспекі РФ заявілі, што Польшча пераходзіць да захопу Украіны.

Сакратар Савета бяспекі РФ Мікалай Патрушаў адзначыў, што партнёры "кіеўскага рэжыму" маюць асаблівыя планы на ўкраінскія землі, піша korrespondent.net.

Польшча пераходзіць да захопу тэрыторый на Захадзе Украіны. Пра гэта Мікалай Патрушаў заявіў на нарадзе па нацыянальнай бяспецы ў Прыволжы, паведамляе Інтэрфакс.

Паводле яго слоў, партнёры "кіеўскага рэжыму" не супраць скарыстацца цяперашняй сітуацыяй у карыслівых інтарэсах і маюць асаблівыя планы на ўкраінскія землі.

"Мяркуючы па ўсім, Польшча ўжо пераходзіць да дзеянняў па захопе заходніх украінскіх тэрыторый", — сказаў Патрушаў, адзначаючы, што гэта пацвердзіў візіт у Кіеў польскага прэзідэнта Анджэя Дуды і яго словы пра тое, што "неўзабаве польска-ўкраінская мяжа перастане існаваць".

Таксама сакратар Савета бяспекі РФ заявіў, што "ўжо цэлы шэраг дзяржаў вядуць актыўную працу па раздзяленні Украіны".