Страты РФ за 3 месяцы ва Украіне параўнальныя са стратамі СССР за 9 гадоў у Афганістане

За першыя тры месяцы ўварвання ва Украіну Расія, верагодна, панесла такую ж колькасць загінулых, як і Савецкі Саюз за час дзевяцігадовай вайны ў Афганістане, паведамляе ў панядзелак брытанская разведка.

Спалучэнне дрэннай тактыкі дзеянняў, абмежаванага прыкрыцця з паветра, адсутнасці гнуткасці камандавання, якое садзейнічае няўдачам і паўтору памылак, прывяло да такога высокага ўзроўню страт, які працягвае расці падчас наступлення ў Данбасе, мяркуе брытанская разведка.