Павел Латушка: Ваенны агрэсар — не проста Расія, а Саюзная дзяржава
Адзіны спосаб спыніць катастрофу — зрабіць усё для безумоўнай перамогі Украіны, лічыць кіраўнік «Народнага антыкрызіснага ўпраўлення» Павел Латушка.
Безумоўнай — значыць ніякіх тэрытарыяльных саступак. Ніякіх «мірных планаў», якія супярэчаць тэрытарыяльнай цэласнасці Украіны і яе міжнародна прызнаным межам, пра гэта кажа Павел Латушка ў новым відэа.
Ваенны агрэсар — не проста Расія, а Саюзная дзяржава — планаваў гэтую вайну, гэтую катастрофу як мінімум яшчэ ў ходзе падрыхтоўкі і прыняцця Ваеннай дактрыны Саюзнай дзяржавы ў 2021 годзе.
І тым больш крывадушна гучыць адзін з яе пунктаў, які адносіцца да рысаў сучасных ваенных канфліктаў: «катастрафічныя паразы, разбурэння прадпрыемстваў энергетыкі (!), хімічных і іншых небяспечных вытворчасцяў, камунікацый, аб'ектаў інфраструктуры і жыццезабеспячэння».
Усё, абсалютна ўсё пералічанае, здзяйсняе агрэсар ва Украіне. Захопам Запарожскай АЭС, рашэннем аб размяшчэнні ядзернай зброі ў Беларусі, падрывам Кахоўскай ГЭС, ён дэманструе поўную адсутнасць якіх-небудзь межаў, «чырвоных ліній», унутраных тармазоў на шляху сваёй агрэсіі.
Катастрофы, экацыд, генацыд, ядзерны шантаж — вось адказ Расіі і Саюзнай дзяржавы ўсёй той часткі цывілізаванага свету, якая да гэтага часу не ўсвядоміла да канца, з кім мы ўсе маем справу.
Якая да гэтага часу дапускае магчымым абмеркаванне змякчэння санкцыйнага рэжыму ў дачыненні да агрэсара, замест прымянення татальных санкцый. Якая да гэтага часу выказвае сумневы ці марудзіць з прадастаўленнем Украіне ўсяго неабходнага і самага сучаснага ўзбраення, неабходнага для яе безумоўнай перамогі.
У адказ на чарговае абуральнае злачынства агрэсара прэзідэнт Украіны Уладзімір Зяленскі сказаў: «Толькі перамога Украіны верне бяспеку. І гэтая перамога будзе. Ні вадой, ні ракетамі, ні чым заўгодна тэрарыстам не ўдасца спыніць Украіну».
І свет павінен пачуць гэтыя словы. Пачуць і дзейнічаць. Зрабіўшы ўсё — і магчымае, і тое, што ўчора ўяўлялася асобным палітыкам «немагчымым», — для таго, каб забяспечыць безумоўную перамогу Украіны. Толькі так і ніяк інакш можна спыніць глабальную катастрофу, якой і з'яўляецца ваенны агрэсар — не толькі Расія, а Саюзная дзяржава.
