Еўрасаюз мае намер увесці новыя санкцыі супраць Беларусі, Сірыі і Ірана

Еўрасаюз на сустрэчы кіраўнікоў МЗС краін-сябраў арганізацыі, прызначанай на 22 і 23 сакавіка, абмяркуе і, магчыма, зацвердзіць новыя "кропкавыя санкцыі" супраць Беларусі, Сірыі і Ірана ў сувязі з "адсутнасцю прагрэсу" ў сітуацыі ў гэтых краінах. Пра гэта паведамляе AFP са спасылкай на неназванага высокапастаўленага прадстаўніка ЕС.



Еўрасаюз на сустрэчы кіраўнікоў МЗС краін-сябраў арганізацыі, прызначанай на 22 і 23 сакавіка, абмяркуе і, магчыма, зацвердзіць новыя "кропкавыя санкцыі" супраць Беларусі, Сірыі і Ірана ў сувязі з "адсутнасцю прагрэсу" ў сітуацыі ў гэтых краінах. Пра гэта паведамляе AFP са спасылкай на неназванага высокапастаўленага прадстаўніка ЕС.

У беларускі "чорны спіс" кіраўнікі МЗС ЕС маюць намер унесці каля 10 чалавек і 29 арганізацый, супраць якіх дзейнічаюць санкцыі. У цяперашні час у спіс уваходзяць ўжо 227 чалавек, якім забаронены ўезд у ЕС, паведаміла крыніца.

Каля дзесяці імёнаў, як мяркуецца, будзе ўнесена ў "чорны спіс" сірыйскіх афіцыйных асоб і арганізацый, у дачыненні да якіх уведзеныя санкцыі, якія прадугледжваюць забарону на ўезд на тэрыторыю Еўрасаюза і замарожванне іх актываў. Таксама міністры абмяркуюць магчымасць узмацнення дыпламатычнага ціску на Дамаск.

"Мы прынялі рашэнне дзейнічаць узгоднена. Але кожная краіна будзе прымаць рашэнне зыходзячы з уласнай пазіцыі", — заявіла крыніца агенцтва.

У аўторак, 20 сакавіка, брытанская газета Daily Telegraph са спасылкай на дыпламатычныя крыніцы паведаміла, што кіраўнікі МЗС ЕС, у прыватнасці, уключаць у "чорны спіс" Асму Асад, жонку прэзідэнта краіны Башара Асада.

Акрамя таго, ЕС плануе забараніць пастаўку ў Іран абсталявання і праграмнага забеспячэння, якое можа быць выкарыстана для праслухоўвання тэлефонных званкоў і кантролю за інтэрнэт-трафікам.

Як паведамляў “Тэлеграф, 27 лютага ЕС пашырыў візавыя і эканамічныя санкцыі, якія дзейнічаюць у дачыненні да прадстаўнікоў афіцыйнага Мінску. Больш за тое, ЕС не мае намеру абмяжоўвацца ўведзенымі раней санкцыямі.

Прэзідэнт Беларусі Аляксандр Лукашэнка, прымаючы 20 лютага даверчыя граматы паслоў дзевяці дзяржаў, заклікаў еўрапейскія краіны выбудоўваць адносіны з Беларуссю на раўнапраўных умовах. Кіраўнік дзяржавы адзначыў, што ў выпадку неабходнасці Беларусь можа "вельмі жорстка адказаць на санкцыі", якія ўвёў шэраг еўрапейскіх дзяржаў.

Паводле telegraf.bу