РФ ударыла па шматпавярховіку ў Мікалаеўскай вобласці. Сярод параненых — дзеці (фота)

На Мікалаеўшчыне расійскія акупанты патрапілі ў шматпавярхоўку, ёсць пацярпелыя. Пра гэта паведаміў прэс-афіцэр Мікалаеўскай абласной вайсковай адміністрацыі Дзмітрый Пляцянчук на сваёй старонцы ў фэйсбуку.

«Вазнясенск. Расійскія вырадкі патрапілі ў жылую шматпавярхоўку. Ёсць пацярпелыя», — адзначыў ён.

Пляцянчук дадаў, што інфармацыя ўдакладняецца.

Пазней нардэп Арцём Чарнамораў у сваім Telegram-канале паведаміў, што ў горадзе працягваецца выратавальная аперацыя.

«Расійская ракета трапіла ў пяціпавярховы жылы дом, будынак практычна разбураны. На месцы працуюць нашы адважныя ратавальнікі і паліцыя. Медыцынскія работнікі аказваюць дапамогу параненым. Таксама пацярпелі дом побач з шматпавярховікам і машыны», — паведаміў ён.

Адразу было вядома аб 7 параненых, сярод іх трое дзяцей, двое з якіх у цяжкім стане ў шпіталі.

Старшыня Мікалаеўскай ОВА Віталь Кім у сваім Telegram-канале адзначыў, што адно дзіця цяпер аперуюць.

Пазней ён паведаміў, што на 13:30 вядома пра 9 параненых, з іх 4 — дзеці.

«Дзеці ўсе цяжкія. Узрост ад 3 да 17 гадоў», — адзначыў Кім.

«Дзяўчынку перавозяць у Мікалаеў. Абломак вырваў вочы. Жывёліны...» — дадаў Кім.

Мінулай ноччу расійскія захопнікі ў чарговы раз абстралялі Мікалаеў. Акупанты нанеслі масіраваныя ўдары па горадзе ракетамі тыпу С-300.

Паводле unian.net.