«Служу ўкраінскаму народу»: Сяргей Жадан уступіў у шэрагі УСУ

Вядомы ўкраінскі пісьменнік, музыка гурта «Жадан і сабакі» і валанцёр Сяргей Жадан уступіў у шэрагі ўкраінскай Нацыянальнай гвардыі.

Украінскі пісьменнік, музыка і валанцёр Сяргей Жадан уступіў у шэрагі УСУ. Пра гэта паведамляе РБК-Украіна са спасылкай на афіцыйную старонку Сяргея Жадана ў Facebook.

Сяргей Жадан уступіў у шэрагі 13-й брыгады НГУ «Хартыя».

«Уступіў у шэрагі 13-й брыгады НГУ «Хартыя». Праходжу навучанне. Служу ўкраінскаму народу», — напісаў Жадан.

Таксама Сяргей апублікаваў фота з навучання.

Пра жаданне Жадана мабілізавацца стала вядома яшчэ ў сакавіку, але тады не пацвердзілася, што гэта праўда. Сам пісьменнік тады ад каментароў устрымаўся.

Як Сяргей Жадан  падтрымлівае Украіну?

Сяргей Жадан нарадзіўся 23 жніўня 1974 года ў Луганскай вобласці, у горадзе Старабельску.

Пісьменнік браў удзел у харкаўскім Еўрамайдане. Далучыўся да валанцёрскага руху ў Харкаве.

У 2017 годзе заснаваў дабрачынны фонд, накіраваны на падтрымку адукацыйных, культурных і гуманітарных ініцыятыў. Таксама Жадан актыўна дапамагае Узброеным сілам Украіны.

Адным з яго праектаў стала ініцыяванне праграмы «Усход чытае», якая накіраваная на папаўненне кніжных фондаў бібліятэк Данецкай і Луганскай абласцей.

Атрымаў узнагароду Міністэрства абароны Украіны за дапамогу Узброеным сілам.

Адзначым, што Сяргей Жадан з пачатку поўнамаштабнага расійскага ўварвання ва Украіну рознымі даступнымі спосабамі збірае сродкі на патрэбы вайскоўцаў.Таксама пісьменнік і музыка гурта «Жадан і сабакі» ездзіў з дабрачыннымі канцэртамі, каб дапамагчы ўкраінскаму войску. Ён вядомы валанцёр і патрыёт сваёй краіны.

Яшчэ адзін удзельнік гурта «Жадан і сабакі» папоўніў шэрагі Узброеных сіл Украіны

Іншы ўдзельнік групы «Жадан і сабакі» Яўген Турчынаў таксама папоўніў шэрагі Узброеных сіл Украіны і цяпер праходзіць падрыхтоўку.

«Паступіў у шэрагі 13-й аператыўнай брыгады НГУ «Хартыя». Праходжу падрыхтоўку», — напісаў ён у Instagram.

Паводле www.rbc.ua