Птушанятам бакланаў адразаюць дзюбы дзеля лёгкіх грошаў

Каля сотні птушанят бакланаў адрэзалі дзюбы, каб атрымаць усталяваную мясцовым рыбгасам прэмію — 50 тысяч рублёў за штуку. Супрацоўнік ГА “Ахова птушак Бацькаўшчыны Вольга Лукшыц распавяла НЧ пра жорсткую і ганебную здабычу птушак наваколлях Навалукомля. (Яму засталося жыць пару месяцаў)



Каля сотні птушанят бакланаў адрэзалі дзюбы, каб атрымаць усталяваную мясцовым рыбгасам прэмію — 50 тысяч рублёў за штуку. Супрацоўнік ГА “Ахова птушак Бацькаўшчыны Вольга Лукшыц распавяла НЧ пра жорсткую і ганебную здабычу птушак наваколлях Навалукомля.

(Яму засталося жыць пару месяцаў)

У мінулую суботу, 16 чэрвеня ў Чашнікскам раёне на выспе аднаго з вадаёмаў побач з рыбнай гаспадаркай “Навалукомль арнітолагі убачылі жудаснае відовішча: разбураны дзясяткі гнёздаў бакланаў, а ў жывых птушанят, якія хаваліся ў траве і сядзелі ў хмызняках, былі адрэзаны дзюбы.
“Бакланы і шэрыя чаплі ў Беларусі адносяцца да непажаданых для рыбгасаў відаў, бо наносяць пэўную шкоду, — распавядае Вольга — І ў рыбгасах існуюць заахвочванні паляўнічых за барацьбу з гэтымі птушкамі. Таму на іх дазволена паляванне. Але дадзены выпадак — вельмі цынічны і жорсткі. Чалавек выракае птушак на пакутлівую смерць.
Птушаняты ў лепшым выпадку здолеюць праіснаваць без дзюбаў некалькі месяцаў, бо іх кормяць бацькі, а потым памруць. Атрымліваецца, здабытчыкі дзюбаў маленькіх бакланаў мінімізуюць шкоду рыбгасам, але жудасным коштам.
Па адзнаках арнітолагаў, якія праводзілі даследаванні і кальцавалі птушак літаральна за некалькі дзён да гэтага, колькасць баклана там складала 150–200 пар. Шматлікія гнёзды ў гэтай асадзе знаходзіліся так нізка, што невядомыя іх лёгка даставалі і вытрасалі птушанят з гнёздаў.
Абаронца птушак ўпэўнена, што дадзены выпадак з гледзішча заканадаўства можна лічыць махлярствам: замест знішчэння птушак, якія складаюць пагрозу для рыбгасаў, так званыя паляўнічыя, — а насамрэч, каты — адразаюць безабаронным птушанятам дзюбы, каб падаць рэчыўны доказ у бухгалтэрыю рыбгаса.
“Магчыма, мясцовым паляўнічым было шкада марнаваць патроны, куды прасцей жывой птушке дзюбу адрэзаць, — мяркуе Лукшыц. — Выканаў план, атрымаў узнагароду і ўсе выдатна!. 
Штогод рыбгасы Беларусі ўсталёўваюць узнагароду за здабычу птушак, непажаданых для рыбнай гаспадаркі. У гэтым спісе фігуруюць два выгляду, якія сілкуюцца рыбай — шэрая чапля і вялікі баклан. Пацверджаннем здабычы з'яўляецца дзюба ці лапкі птушак. Верагодней за ўсё, што адрэзаныя дзюбы прызначаліся для падачы менавіта ў найблізкі рыбгас “Навалукомльскі.
А ці ведае пра жахлівую расправу над птушкамі яе “фундатар — РУП “ Чашнікская ПМК меліявадгас, якому прыналежыць участак рыбгас “Навалукомльскі?

Птушаняты з адрэзанымі дзюбамі хаваліся ў траве і сядзелі ў хмызняках

Датэлефанавцца да рыбгаса атрымалася немагчыма: тэлефоны ці то не працуюць, ці то выключаныя — відаць, журналісты супакою не даюць. А ў ПМК спаслаліся на рыбгас і адмовілі ў інфармацыі. Затое ж дакладна вядома, што норма вылоўлівання рыбы ў тамтэйшым рыбгасе — 5 кг. Зразумела, не для няшчасных птушачак, а для тых, хто плаціць.
 
“Мы падрыхтавалі і адправілі зварот у Міністэрства прыродных рэсурсаў і аховы навакольнага асяроддзя з просьбай правесці расследаванне інцыдэнту ў Навалукомлі, — кажа Вольга Лукшыц.
На сайце арганізацыі “Ахова птушак Бацькаўшчыны дадзеная праблема паднімалася неаднаразова. Напрыклад, 5 гадоў назад падобную расправу над бакланамі невядомыя ўчынілі на тэрыторыі ландшафтнага заказніку рэспубліканскага значэння “Сярэдняя Прыпяць у вусці Лані.
Варта зазначыць, што ў краінах Еўропы праводзіцца пан’еўрапейскі ўлік вялікіх бакланаў, ідзе маніторынг гэтай птушкі і ў Беларусі, хоць у нас іх дазволена адстрэльваць з-за шкоды для рыбгасаў.
Сёння ў Беларусі налічваецца каля 3 тысяч пар вялікіх бакланаў.

Фота з архіву ГА “Ахова птушак Бацькаўшчыны