Калі свет жорстка не адкажа на ядзерны шантаж Расіі, далей будуць ядзерныя войны

Кіраўнік Офіса прэзідэнта Украіны Андрэй Ярмак заявіў, што калі свет не дасць жорсткі і адназначны адказ на ядзерны шантаж Расіі, гэта можа прывесці да ядзерных войнаў з мільённымі ахвярамі.

Пра гэта Андрэй Ярмак напісаў у артыкуле для амерыканскага часопіса The Atlantic.

«Адказ на ядзерны шантаж Расіі павінен быць жорсткім і адназначным, што адхіляе саму ідэю саступак ядзернаму агрэсару.

Інакш кожны амбіцыйны дыктатар будзе спрабаваць атрымаць ядзерную зброю, а кожная краіна, якая яе не мае, будзе імкнуцца набыць яе для самаабароны. Пагадненні аб нераспаўсюджанні ядзернай зброі акажуцца марнымі. Далей будуць ядзерныя вайны з мільённымі ахвярамі».

Ярмак перакананы, што сёння цывілізаваны свет павінен прадэманстраваць рашучасць і выразна даць зразумець Расіі, што ёй не сыдзе з рук ні спроба анексіі ўкраінскіх тэрыторый, ні ядзерны шантаж. Адным з такіх рашучых крокаў можа стаць заключэнне Кіеўскага дагавора аб бяспецы, рэкамендацыі да якога нядаўна былі прадстаўлены.



Ён акцэнтаваў увагу на тым, што гэтыя рэкамендацыі не замяняюць імкненне Украіны атрымаць сяброўства ў NATO. Гарантыі бяспекі будуць абараняць Украіну, пакуль дзяржава не далучыцца да Альянсу.

«Кіеўскі дагавор бяспекі дасць Расіі зразумець, што цана яе агрэсіі будзе расці, пакуль не стане занадта высокай для яе. Дапамогу Украіне для абароны сябе, выжывання і ўрэшце для перамогі — гэта лепшая інвестыцыя, якую могуць зрабіць нашы саюзнікі, каб паклапаціцца пра больш бяспечную будучыню для ўсяго свету», — робіць выснову Ярмак.



Паводле www.pravda.com.ua

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: