906-ты дзень вайны. УСУ пашыраюць зону кантролю ў Курскай вобласці
Сабралі апошнія звесткі з франтоў расійска-украінскай вайны, развязанай Крамлём пры падтрымцы рэжыму Лукашэнкі.
Фота УСУ
У Генеральным штабе УСУ заявілі аб новым прасоўванні наперад у Курскай вобласці Расіі і новых палонных.
«Працягваецца аперацыя ў Курскай вобласці — нашы воіны паспяхова прасоўваюцца наперад. Расійскія вайскоўцы, выбіраючы жыццё, працягваюць здавацца ў палон», — гаворыцца ў ранішняй зводцы.
Таксама паведамляецца, што на фронце ва Украіне за мінулыя суткі зафіксавалі 132 баявыя сутыкненні.
«Авіяцыя і ракетныя войскі і артылерыя сіл абароны нанеслі 17 удараў па раёнах засяроджвання асабістага складу і ваеннай тэхнікі праціўніка, двух артылерыйскіх сістэмах, двух сродках спа і трох іншых важных аб'ектаў акупантаў", — паведамілі ў Генштабе.
На самых небяспечных напрамках фронту сітуацыя была наступная.
На Харкаўскім напрамку адбылося дзевяць баявых сутыкненняў у раёнах населеных пунктаў Ліпцы і Ваўчанск.
На Купянскім кірунку колькасць нападаў за суткі дасягнула дванаццаці, штурмы адбівалі каля Глушкоўкі, Круглякоўкі і Андрэеўкі.
На Ліманскім кірунку РФ здзейсніла восем штурмаў непадалёк ад Неўскага, Макееўкі, Торскага і Дзібровы.
На Северскім кірунку ўкраінскія абаронцы адбілі 10 штурмаў паблізу Белагораўкі, Верхнекаменскага, Спорнага і Пераезнага.
На Краматорскім кірунку акупанты атакавалі чатыры разы ў раёнах Грыгор’еўкі і Часавага Яра.
На Тарэцкім кірунку РФ здзейсніла 13 нападаў непадалёк ад Белай Гары, Севернага, Жалезнага, Неліпаўкі, Нью-Ёрка і Тарэцка.
На Пакроўскім кірунку ўкраінскія абаронцы спынілі 51 атаку ў раёнах пятнаццаці розных населеных пунктаў. Найбольш актыўна расійскія акупанты дзейнічалі паблізу Уздзвіжанкі, Наважэланага, Гродаўкі і ў бок Зялёнага Поля. Самая вялікая канцэнтрацыя расійскіх нападаў зафіксаваная паблізу Гродаўкі.
На Курахоўскім кірунку сілы абароны адбілі 17 нападаў у Краснагораўкі, Канстанцінаўкі, Георгіеўкі і Аляксандраўкі.
Глядзіце таксама
Узброеныя сілы Украіны за апошнія дні ўзялі пад кантроль яшчэ шэраг населеных пунктаў у Курскай вобласці.
Як паведамляе Інстытут вывучэння вайны (ISW), за мінулыя суткі, 16 жніўня, сілы абароны прасунуліся на паўднёвы ўсход ад горада Суджа. У прыватнасці, паводле даных расійскіх ваенкараў, гаворка ідзе пра тое, што яны прасунуліся на ўсход ад пасёлка Мірнае і на поўдзень ад Спальнага, якія размешчаныя побач з гэтым горадам. Таксама геалакацыйныя здымкі паказваюць на актыўнасць украінскіх вайскоўцаў у межах пасёлка Боркі на паўднёвы ўсход ад горада.
Паводле паведамленняз ваенкараў, баявыя дзеянні працягваюцца на поўнач ад Суджы каля Рускага Парэчнага, на ўсход ад яго каля Агранома і на паўднёвы ўсход уздоўж лініі Гір'і — Камышнае — Крупец — Спальнае.
«Расійскія блогеры адзначаюць, што невялікія ўкраінскія мабільныя групы працягваюць абмежаваныя атакі па дзеючай лініі судакранання ў Курскай вобласці, а ўкраінскія вайскоўцы працягваюць атакі ля Коранева і на захад ад пасёлка Снагасць (на поўдзень ад Коранева)», — адзначаюць аналітыкі.
Мінабароны Расіі заяўляе, што расійскія войскі адбілі бранятанкавую атаку УСУ ў кірунку Гардзееўкі (на поўдзень ад Коранева) і штурмы на захад ад Анастасіеўкі і на паўднёвы ўсход ад Каўчука (абодва на паўночны ўсход ад Коранева і прыкладна за 27 км ад міжнароднай мяжы).
Акрамя таго, ваенныя блогеры сцвярджалі, што войскі РФ атакавалі ўкраінцаў, якія дзейнічаюць каля пасёлка Вотрубы на паўднёвы захад ад Коранева і ўздоўж міжнароднай мяжы.
«Апублікаваныя 15 і 16 жніўня геалакацыйныя кадры сведчаць, што ўкраінскія войскі працягваюць дзейнічаць на ўсёй заяўленай максімальнай мяжы прасоўвання ўкраінскіх войскаў у Курскай вобласці, у прыватнасці паблізу Суджы», — адзначаюць у ISW.
Акрамя таго, аналітыкі пішуць пра разбурэнне УСУ двух мастоў у Глухаўскім раёне Курскай вобласці. Як паказваюць расійскія крыніцы, аб'екты ў Глушкове і Званым на паўднёвы ўсход ад Коранева былі ўражаныя з РСЗА HIMARS.
«Геалакацыйныя кадры, апублікаваныя 16 жніўня, паказваюць, што мост у Глушкаве разбурыўся пасля ўдару. Расійскія вайсковыя блогеры адзначылі, што знішчэнне моста ўскладніць працу расійскіх наземных ліній сувязі ў гэтым раёне», — падсумавалі эксперты.
Глядзіце таксама
Раніцай 17 жніўня расійская авіяцыя нанесла ўдар па Сумах. «З-за абстрэлу загарэлася адразу 10 грамадзянскіх аўтамабіляў, якія знаходзіліся на стаянцы побач са шматпавярховымі жылымі дамамі. Акрамя таго, выбухной хваляй выбітыя вокны, пашкоджаныя фасады жылых дамоў і іншых памяшканняў», — паведамілі ў Гарадской службе па надзвычайнх сітуацыях (ГСНС).
Адзначаецца, што ратавальнікам удалося ліквідаваць ачагі ўзгарання і не даць агню распаўсюдзіцца на іншыя транспартныя сродкі.
«Праведзена абследаванне тэрыторыі па якой быў нанесены ўдар», — дадалі ў службе.
Кіраўнік Сумскай гарадской ваеннай адміністрацыі Аляксей Драздзенка паведаміў, што ёсць адзін пацярпелы, якому аказана дапамога.
«Машыны пачалі выбухаць, людзі паспускаліся з верхніх паверхаў і спрабавалі выратаваць ацалелыя машыны. Мы баяліся паўторных выбухаў», — распавёў адзін з відавочцаў.
Пазней МУС паведаміла пра двух пацярпелых з-за ўдару расійцаў па грамадзянскай інфраструктуры Сум.
Таксама працягваюцца расійскія ўдары па сталіцы Украіны. Як паведамілі ў Кіеўскай абласной вайсковай адміністрацыі, пятую ноч запар акупанты спрабуюць атакаваць рэгіён ударнымі дронамі: «Сёння ноччу трывога абвяшчалася тройчы. У вобласці працавалі сілы СПА. Ёсць збітыя цэлі. Дзякуем нашым сілам СПА за эфектыўную працу. Трапленняў у аб'екты жылой і крытычнай інфраструктуры няма. Пацярпелых няма. Паводле інфармацыі аператыўных груп, праз падзенне абломкаў адбылося ўзгаранне ляснога подсцілу. Пажар ліквідаваны. Таксама пашкоджаны дах аднаго прыватнага дома. Падзенні абломкаў збітых цэляў фіксуюцца па-за населенымі пунктамі. Праца аператыўных груп па ліквідацыі наступстваў варожай атакі працягваецца».
Глядзіце таксама
Міністр абароны Іспаніі Маргарыта Раблес абвясціла, што Украіна павінна сама вызначаць, як яе вайскоўцы выкарыстоўваюць прадстаўленую зброю ў рамках абароннай дапамогі.
Як піша EFE, пра гэта яна заявіла, адказваючы на пытанні падчас візіту ў штаб НАТО ў Валенсіі. Журналісты спыталі ў міністра, ці вядома ёй пра выпадкі выкарыстання прадастаўленай Іспаніяй зброі па аб'ектах на тэрыторыі краіны-агрэсара. Раблес адзначыла, што не ведае, што менавіта выкарыстоўвае Украіна.
«Гэта вайна, і таму Украіна будзе выкарыстоўваць тое абсталяванне, якое лічыць неабходным, у любы момант», — падкрэсліла кіраўнік Мінабароны.
Паводле яе слоў, дапамога ад Іспаніі з'яўляецца «абароннымі матэрыяламі для абароны». Яна таксама адзначыла, што Мадрыд працягне падтрымліваць Кіеў «гэтым абаронным абсталяваннем, якое з'яўляецца вельмі важным», а Украіна «заўсёды будзе мець падтрымку Іспаніі, як і іншых краін Паўночнаатлантычнага альянсу».
Як вядома, Мадрыд з пачатку поўнамаштабнай вайны падтрымлівае Украіну. Краіна дае эканамічную, ваенную і гуманітарную дапамогу. УСУ атрымалі ад іспанцаў розныя ракеты, бронетранспарцёры, баявыя танкі, гаўбіцы і іншыя віды ўзбраенняў.
У канцы траўня прэзідэнт Уладзімір Зяленскі сустрэўся з прэм'ерам Іспаніі Пэдра Санчэсам у Мадрыдзе. Яны падпісалі двухбаковае пагадненне аб супрацоўніцтве ў сферы бяспекі, якое прадугледжвае прадастаўленне Украіне аднаго мільярда еўра ваеннай дапамогі ў гэтым годзе.
У чэрвені Украіна атрымала ад Іспаніі другую партыю зенітных ракет Patriot далёкага радыусу дзеяння.
У ліпені СМІ пісалі, што Іспанія разгарнула
ля межаў Украіны найбуйнейшую міжнародную вайсковую місію.