У моры знайшлі дзіравы плыт з рэчамі маракоў з крэйсера «Масква»

Цывільны карабель знайшоў у Чорным моры дзіравы выратавальны плыт на 20 чалавек з флагманскага расійскага карабля «Масква», які патануў увесну.

Дзяржаўная памежная служба Украіны паведаміла, што ў моры знайшлі плыт: «Плаўсродак, які трымаўся на паверхні вады толькі дзякуючы таму, што быў прывязаны да некалькіх выратавальных камізэлек, выявілі ў Чорным моры», піша «Украінская Праўда»

На плыце было зламанае, пашкоджанае карозіяй вясло, балоны для падпампоўкі паветра. Таксама там быў воданепранікальны мех, у якім знаходзіліся рускія манеты, элементы ўніформы маракоў і марпехаў. На камізэльках і ўніформе былі баявыя нумары.

Памежнікі адзначылі: знаходка сведчыць пра халатнасць расійскага вайсковага кіраўніцтва.

«Падобна на тое, што плыт быў няспраўны, і захопнікі, якія спрабавалі на ім выратавацца, звярталіся да адчайных спосабаў уратавацца. Відавочна, каб утрымаць на вадзе дзіравы плаўсродак, расійскія маракі знялі з сябе выратавальныя камізэлькі (што катэгарычна забаронена) і прымацавалі іх да плыта, каб захоўваць яго плывучасць».


Нагадаем, 13 красавіка Украіна паведаміла, што нанесла ўдар ракетамі «Няптун» па расійскім крэйсеры «Масква». 14 красавіка Мінабароны Расіі пацвердзіла выбух на крэйсеры, але заявіла, што на борце здэтанаваў боекамплект, маракоў эвакуявалі, а сам крэйсер «захаваў плывучасць». Пазней расійскае міністэрства заявіла, што «Масква» затанула падчас буксіроўкі ў Севастопаль ва ўмовах шторму.

Эксперты адзначалі, што палова экіпажа крэйсера загінула або параненая. Журналісты-следчыя лічылі, што экіпаж крэйсера «Масква» мог на дзве траціны складацца з салдат тэрміновай службы.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: