Як жыць на 500—900 рублёў на месяц, з іх за камуналку плаціць 100?

Рэсурсы, якімі валодае палова Беларусі — ад 500 да 900 рублёў на месяц. Пры гэтым сярэднія спажывецкія выдаткі беларускай хатняй гаспадаркі цяпер у месяц — 1321 рубель.

Паводле даных выбарачнага абследавання хатніх гаспадарак па ўзроўні жыцця, у Беларусі ў I квартале 2023 года наяўныя рэсурсы ў разліку на аднаго чалавека часцей за ўсё складаюць ад 600 да 700 рублёў у месяц (13,6% насельніцтва).

Годам раней найбольш частая ацэнка была ў групе ад 500 да 600 рублёў (15,8%).

Наяўныя рэсурсы — гэта грашовыя сродкі, а таксама кошт спажытых прадуктаў харчавання, вырабленых ва ўласнай дапаможнай гаспадарцы, за вылікам выдаткаў на іх вытворчасць, а таксама кошт атрыманых у натуральнай форме льгот і выплат.

А хатнія гаспадаркі — гэта група асоб, якія сумесна пражываюць у жылым памяшканні, або адзін чалавек, які жыве самастойна і забяспечвае сябе ўсім неабходным для жыцця.

Такім чынам, у гэтай ацэнцы гаворка ідзе і пра людзей, якія жывуць самастойна, і пра сем'і, дзе даход дзеліцца з улікам наяўнасці дзяцей і іх колькасці.

Як адзначаюць эксперты «Кошту ўрада», за год больш за ўсё знізілася колькасць людзей, якія выклікаюць маюць у месяц сумы ад 400 да 500 рублёў. Іх колькасць стала на 4,5 працэнтных пункта меншай. Таксама прыкметна менш стала людзей са сродкамі ад 500 да 600 рублёў (-3,5 працэнтных пункта). Пры гэтым сярэднія спажывецкія выдаткі беларускай хатняй гаспадаркі цяпер у месяц — 1321 рубель.

Але па рэгіёнах карціна істотна адрозніваецца ад сярэдняй па краіне.

3,6 % беларускіх сем'яў жывуць за рысай беднасці

Камуналка абыходзіцца беларусам амаль у сто рублёў на сям'ю

Паводле даных выбарачнага абследавання хатніх гаспадарак па ўзроўні жыцця за першы квартал 2023 года, 7,1% спажывецкіх расходаў беларускіх сем'яў сыходзіла на аплату рахункаў камунальных выдаткаў. Калі браць аптымістычныя сярэднія спажывецкія выдаткі беларускай хатняй гаспадаркі у месяц — 1321 рубель, то на ЖХУ сыходзіць 94 рублі, падлічыў канал “Нашы грошы”.

Годам раней на аналагічныя выдаткі выдаткоўвалі ў сярэднім 84 рублі на месяц, што складала 7,2% спажывецкіх выдаткаў. Выходзіць, пры тым, што доля выдаткаў на ЖКГ засталася амаль такой жа, рост у намінальным выражэнні склаў 11,6%. Калі ўлічыць, што рост коштаў у першым квартале 2023 года да першага кварталу мінулага года склаў 9,8%, можна смела сцвярджаць, што камунальныя плацяжы растуць у кошце хутчэй за інфляцыю.

Камунальныя плацяжы, а дакладней, іх адносная велічыня да даходу, заўсёды былі важнай тэмай дзяржаўных сродкаў масавай інфармацыі. Камунальныя пляцяжы, сапраўды, у Беларусі не такія цяжкія для кашалька, як у многіх краінах Еўропы (зрэшты, і заробкі там вышэйшыя). Так, у сярэднім па ЕС камунальныя плацяжы займаюць каля 25% спажывецкіх выдаткаў хатніх гаспадарак. Але важны нюанс крыецца ў механізме перакрыжаванага субсідзіравання, пры якім у Беларусі нізкія камунальныя тарыфы перакрываюцца больш высокімі тарыфамі для бізнесу. Выходзіць, за нізкую камуналку беларусы расплачваюцца, калі купляюць дарагія беларускія тавары.