Чырвоны Крыж: Калі здарыцца аварыя на ЗАЭС, мала чым можна будзе дапамагчы ад жудасных наступстваў

Кіраўнік Міжнароднага камітэта Чырвонага Крыжа Роберт Мардзіні заклікаў спыніць усе баявыя дзеянні паблізу Запарожскай атамнай электрастанцыі, якая кантралюецца Расіяй.

zaes_1.jpg


Роберт Мардзіні папярэдзіў, што Чырвоны Крыж мала чым зможа дапамагчы ў выпадку буйной аварыі на атамнай станцыі, піша ВВС.

«У выпадку ўцечкі радыяцыі будзе цяжка, калі не немагчыма, аказаць гуманітарную дапамогу... таму баявыя дзеянні павінны спыніцца», — заявіў Роберт Мардзіні на прэс-канферэнцыі ў чацвер падчас свайго візіту ва Украіну.

«Сцэнар можа быць маштабным інцыдэнтам, і ... мала што можна будзе зрабіць, каб змякчыць жудасныя наступствы гэтага», — сказаў ён, калі яго спыталі аб планаванні дзеянняў у надзвычайных сітуацыях на выпадак аварыі на найбуйнейшай у Еўропе атамнай электрастанцыі.

Нагадаем, сёння, 1 верасня, на Запарожскай АЭС з-за абстрэлаў з боку Расіі быў спынены 5-ы рэактар — адзін з двух дзеючых рэактараў. Яшчэ адзін рэактар працягвае забяспечваць электраэнергіяй уласныя патрэбы АЭС.

Учора, 31 жніўня, місія МАГАТЭ ў складзе 14 чалавек выправілася з Кіева ў Энергадар, каб ацаніць сітуацыю на атамнай станцыі. Трапіць на АЭС яны збіраліся 31 жніўня, але пакуль да станцыі місія так і не дабралася — сёння стала вядома, што абстрэльваецца загадзя ўзгоднены маршрут руху місіі МАГАТЭ з Запарожжа на ЗАЭС. 

Цяпер група экспертаў МАГАТЭ стаіць каля ўкраінскага кантрольна-прапускнога пункта ў 20 кіламетрах ад лініі фронту і чакае магчымасці рухацца далей