Беларускаму хлопчыку, якога збіла машына ў Беластоку, патрэбна дапамога
У Беластоку ў мінулы аўторак, 17 студзеня, на пешаходным пераходзе на цэнтральнай вуліцы горада — Ліпавай — збілі 6-гадовага Мішу з Гродна. За рулём арандаванай машыны знаходзілася 22-гадовая дзяўчына. Цяпер маленькі гарадзенец знаходзіцца ў рэанімацыі, яго ўвялі ў штучную кому. Лекары пакуль ніякіх прагнозаў не даюць, але асцярожна кажуць: «Міша на добрай дарожцы».