На Львоўшчыне падчас трофі-рэйду ў гарах пацярпелі двое беларусаў
Падчас трофі-рэйду ў гарах на Львоўшчыне пазадарожнік з беларускім экіпажам зваліўся ў прорву.
Удзельнікі заезду і ратавальнікі на месцы аварыі, фота "Варта 1"
Няшчасны выпадак адбыўся паблізу гары Пікуй.
На Львоўшчыне на гары паміж сёламі Лыбохора і Карпацкае Туркаўскага раёна падчас удзелу ў трофі-рэйдзе ў суботу, 28 красавіка перавярнуўся пазадарожнік «Land Rover», у выніку чаго атрымалі траўмы грамадзяне Рэспублікі Беларусь.
У стане сярэдняй цяжкасці пацярпелых жыхароў Мінска адправілі ў Туркоўскую раённую бальніцу, паведаміў дэпартамент па пытаннях грамадзянскай абароны насельніцтва Львоўскай АДА.
Адзначана, што 52-гадовы мужчына атрымаў закрытую чэрапна-мазгавую траўму, удар грудной клеткі, галавы і правага локцевага сустава. 45-гадовы мужчына ў выніку падзення пазадарожніка атрымаў закрытую чэрапна-мазгавую траўму, удар галавы, хрыбетніка і пералом правага рэбра.Трофі-экспедыцыя «Карпацкі Кардон '18» праходзіць у Львоўскай вобласці з 28 красавіка па 1 мая.
Як распавёў ZAXID.NET адзін з каардынатараў мерапрыемства Аляксандр Рэванюк, удзельнікі павінны былі пракладаць уласныя маршруты. Усяго да мерапрыемства планавалі далучыцца некалькі дзясяткаў экіпажаў. Паводле яго слоў, трофі-рэйд не быў спартовым спаборніцтвам, а спосабам правядзення вольнага часу: наведвання Карпат на пазадарожніках.