Украіна рыхтуецца да новага шырокамаштабнага наступу з Беларусі — магчыма, у лютым
Генерал-маёр Андрэй Кавальчук, адзін з найвышэйшых вайсковых афіцэраў Украіны, кажа, што войскі Кіева будуць гатовыя нават да барацьбы з мільёнамі расіян, але ім спатрэбіцца яшчэ большая падтрымка зброяй з боку заходніх саюзнікаў.
Генерал-маёр Андрэй Кавальчук разважае пра тое, што Расія мае патэнцыял для пашырэння наступу. «Мы да гэтага рыхтуемся», — пра гэта кіраўнік сіламі «Поўдзень» распавёў Sky News.
Украіна рыхтуецца да таго, што Расія зноў паспрабуе ўварвацца з поўначы — магчыма, прыкладна ў гадавіну яе першай няўдалай спробы захапіць Кіеў у лютым мінулага года, сказаў вышэйшы ўкраінскі камандзір.
Але камандуючы аператыўным камандаваннем «Поўдзень» — вельмі дасведчаны афіцэр, які мае мноства ўзнагародаў — папярэдзіў, што самыя жорсткія баі могуць быць яшчэ наперадзе.
«Жывем
з думкай, што яны зноў нападуць»
На пытанне, ці паспрабуюць расійскія войскі зноў уварвацца ва Украіну з поўначы, усходу і поўдня, магчыма, нават 24 лютага, у гадавіну пачатку поўнамаштабнага ўварвання Крамля ў мінулым годзе, Андрэй Кавальчук сказаў: «Так, мы прадбачым такія варыянты, такія сцэнары. Мы да гэтага рыхтуемся. Мы жывем з думкай, што яны зноў будуць наступаць. Гэта наша задача».
Ён асабліва засяродзіўся на магчымасці паўторнага ўварвання расійскіх войскаў праз Беларусь праз паўночную мяжу Украіны — шлях, па якім рускія войскі могуць нанесці ўдар па ўкраінскай сталіцы.
«Мы разглядаем магчымы наступ з боку Беларусі ў канцы лютага, магчыма, пазней», — сказаў генерал-маёр Кавальчук, выступаючы ў неназваным месцы на поўдні Украіны.
«Мы да гэтага рыхтуемся. Мы даследуем. Мы глядзім, дзе яны акумулююць сілы і сродкі. Мы рыхтуемся».
Першая спроба Расіі заваяваць Кіеў з поўначы скончылася ганебнай няўдачай, адзначыў Кавальчук. Больш матываваныя сілы Украіны здолелі адбіць дрэнна падрыхтаваныя і дрэнна ўзброеныя войскі ўварвання на працягу некалькіх тыдняў.
«Мы павінны быць гатовыя», калі Пуцін загадае правесці поўную мабілізацыю
Генерал Андрэй Кавальчук папярэдзіў, што калі Пуцін паспрабуе другі раз, прыцягнуўшы каля 300 000 вайскоўцаў, якія ён мабілізаваў летам, Украіна будзе лепш падрыхтаваная да іх адпору.
«Мы замініравалі асобныя ўчасткі, на асобных участках падрыхтавалі надзейную абарону», — сказаў ён.
«Больш не будзе так, што яны [расійскія войскі] проста ўвойдуць, як гэта было 24 лютага (2022 г.)».
Камандзір таксама дапускае, што расійскі прэзідэнт можа аддасць загад аб поўнай мабілізацыі ў Расіі, калі вайна зацягнецца, што патэнцыйна прыцягне мільёны людзей для адпраўкі ў бой.
Адказваючы на пытанне, ці разлічвае ён на масавую мабілізацыю ў РФ, генерал-маёр Кавальчук сказаў: «Я думаю, што Пуцін пра гэта думае. І мы не можам выключаць такі варыянт. Трэба быць да гэтага гатовым».
Адносна таго, ці зможа Украіна справіцца з такімі вялікімі сіламі ўварвання, ён сказаў: «Безумоўна так. Я лічу, што наша пазіцыя і пазіцыя нашых партнёраў сёння павінна быць зразумелай. Калі Пуцін правядзе поўную мабілізацыю, нашы партнёры будуць гатовы прадаставіць нам усе сілы і сродкі, каб спыніць не 300-тысячную, а мільённую армію».