Маршрутчыкі сабралі больш за 80 тысяч подпісаў у сваю падтрымку

Маршрутчыкі, якія працавалі на нерэгулярных міжгародніх рэйсах, напісалі ліст Лукашэнку з просьбай прыпыніць дзеянне закона «Аб аўтамабільным транспарце і аўтамабільных перавозках».

3a64eb0f210656d8d73ecc4dbf1f3a17.jpg

Просьбу падтрымалі і падпісаліся пад лістом больш за 80 тысяч чалавек.
Нагадаем, з 23 студзеня 2018 года ўступілі ў сілу змены ў Закон «Аб аўтамабільным транспарце і аўтамабільных перавозках». Новы дакумент змяніў працу перавозчыкаў, якія ездзілі па міжгародніх маршрутах. Каб не парушыць закон, яны павінны з «нерэгуляршчыкаў» перайсці ў «рэгуляршчыкі».
Для гэтага трэба заключаць дамовы з аператарамі, адпраўляцца ў рэйс з вакзалу і ездзіць па зацверджаным графіку і маршруце, выканаць яшчэ шэраг умоў. На новых умовах перавозчыкі ездзіць не хочуць, лічачы, што гэта ўшчамляе і дыскрэдытуе іх правы.
Як заявіў намеснік міністра транспарту і камунікацый Аляксандра Шышко, абноўлены закон не пакіне без працы кіроўцаў прыватных маршрутных таксі. Галоўная яго мэта — забяспечыць бяспеку пасажыраў. Па паведамленні Мінтранса, на раніцу серады, 7 сакавіка, было пададзена 133 заяўкі ад «нерэгуляршчыкаў» на атрыманне права на рэгулярныя маршруты.
Пакуль адны маршрутчыкі спрабуюць падладзіцца пад новае заканадаўства, іншыя вырашылі дзейнічаць па-іншаму: яны напісалі ліст Лукашэнку з просьбай прыпыніць Закон «Аб аўтамабільным транспарце і аўтамабільных перавозках». Падтрымаць іх яны папрасілі сваіх пасажыраў з больш чым 60 населеных пунктаў Беларусі.
— Пад лістом падпісаліся больш за 80 тысяч пасажыраў: атрымалася некалькі пачкаў лістоў, — распавёў Павел Якімовіч, член савета прадпрымальнікаў Салігорскага выканкаму, да якога прадпрымальнікі звярнуліся па дапамогу ў пачатку лютага.
Напярэдадні дакументы былі перададзеныя ў Адміністрацыю прэзідэнта. Аднак збор подпісаў працягваецца, і ў бліжэйшы час аналагічны зварот адправіцца ў Савет міністраў.
Паводле belaruspartisan.by