У Лоеве ў жанчыны адабралі 3-х месячнае дзіця

Жыхарка Лоева Алеся Фаміных у пачатку жніўня трапіла ў шпіталь з апендыцытам. За нованароджаным сынам Максімам падчас хваробы даглядала бабуля. Пасля выпіскі з бальніцы жанчына дзіця дома не застала.

Пра гэта Алеся Фаміных распавяла на прыёме ў грамадскай прыёмнай Гомельскага аддзялення ПЦ "Вясна".
  
Юрыст грамадскай прыёмнай Леанід Судаленка знаёміцца ​​з рашэннем Лоеўскага райвыканкама «Аб адабранні непаўналетняга, 10.05.2018г.н.». Маці — Фаміных Алеся працуе прыбіральшчыцай службовых памяшканняў у Лоеўскім Райпа, бацька Андрэй Коўзік злоўжывае алкаголем, знаходзіцца на ўліку. Бацькі ў шлюбе не знаходзяцца. У сям'і адсутнічае які-небудзь прыбытак.
Паводле слоў жанчыны, да сыходу ў дэкрэтны адпачынак па доглядзе за дзіцём яна працавала прыбіральшчыцай, яе зарплата складала менш за 200 рублёў. Па гэтай прычыне не змагла правесці ваду ў прыватны дом, дзе яна пражывала разам з бабуляй, а таксама замяніць газавую пліту, якая прыйшла ў непрыдатнасць.
«Мая зарплата і пенсія бабулі з'яўляліся нашым адзіным прыбыткам, а чыноўнікі патрабуюць ад нас не толькі правесці ў хату ваду, але і замяніць газавае абставляванне, якое прыйшло ў непрыдатнасць», — заяўляе 34-гадовая жыхарка Лоева.
Яна таксама дадала, што пасля адабрання дзіцяці ёй нададзены статус «абавязаная асоба», ёй перасталі выплачваць дэкрэтныя. Чыноўнікі са службы апекі патрабуюць неадкладна працаўладкавацца.
Кіраўнік гомельскага прадстаўніцтва ПЦ "Вясна" Андрэй Стрыжак заявіў, што арганізацыя акажа ўсю магчымую дапамогу сям'і, у цяперашні час рыхтуецца адпаведная скарга ў мясцовы райвыканкам аб вяртанні дзіцяці ў сям'ю.
«Нельга не прызнаць, што сям'я з'яўляецца праблемнай. Разам з тым, маці дзіцяці не злоўжывала алкаголем, да сыходу ў дэкрэт мела, няхай нават і нізкааплатную працу. Можна пагадзіцца з чыноўнікамі аб неабходнасці замены газавай пліты, аднак патрабаванне аб наяўнасці ў доме вады з'яўляецца празмерным, сельскія жыхары заўсёды карысталіся і карыстаюцца вадой з калодзежаў», дадаў юрыст Л. Судаленка.
Праваабаронцы заяўляюць, што адабранне дзіцяці з сям'і павінна з'яўляцца самай крайняй мерай, а прынятае чыноўнікамі рашэнне абавязкова павінна прайсці судовую праверку.
Паводле gomelspring.org